ተመድ በሶማሊያ ከ30 ዓመታት በላይ ጥሎት የነበረውን የጦር መሣሪያ ማዕቀብ አነሳ

አዲስ አበባ፣ ሕዳር 22፣ 2016 (ኤፍ ቢ ሲ) የተባበሩት መንግሥታት ድርጅት የፀጥታው ምክር ቤት ለሶማሊያ የጦር መሣሪያ እንዳይሸጥ ከ30 ዓመታት በፊት ጥሎት የነበረውን ማዕቀብ ማንሳቱ ተገለጸ፡፡

ማዕቀቡ የተነሳው በትናንትናው ዕለት ምክር ቤቱ በድምፅ ብልጫ ባሳለፈው ውሳኔ መሆኑን አር ቲ ዘግቧል፡፡

በፈረንጆቹ 1992 ላይ በዚያድ ባሬ የሥልጣን ዘመን በሶማሊያ በተከሰተው አለመረጋጋት ሕገ-ወጥ የጦር መሣሪያ ዝውውር መበራከቱን ተከትሎ ነበር ተመድ ማዕቀብ የጣለው፡፡

በዚህም በምሥራቅ አፍሪካ ቀጣና የጦር አበጋዞች መብዛታቸውን ተከትሎ ሥጋት በመፈጠሩ እንቅስቃሴያቸውን ለመገደብ ማዕቀቡ ተጥሎ መቆየቱ ተገልጿል፡፡