ኪም ጆንግ ኡን ከሩሲያው የውጭ ጉዳይ ሚኒስትር ጋር መምከራቸው ተነገረ

አዲስ አበባ፣ ጥቅምት 8፣ 2016 (ኤፍ ቢ ሲ) የሰሜን ኮሪያ ፕሬዚዳንት ኪም ጆንግ ኡን ከሩሲያ የውጭ ጉዳይ ሚኒስትር ሠርጌይ ላቭሮቭ ጋር በፒዮንግያንግ ተገናኝተው መምከራቸው ተገለጸ፡፡

ሁለቱን ወገኖች ተገናኝተው መምከራቸውን ይፋ ያደረገው የሩሲያ ዲፕሎማሲያዊ ጉዳዮች አገልግሎት ነው፡፡

አገልግሎቱ በሁለቱ መካከል ስለተካሄደው ውይይት ጭብጥ ያለው ነገር እንደሌለ ላ ፕሬንሳ ላቲና አስነብቧል፡፡

ሠርጌይ ላቭሮቭ ከሰሜን ኮሪያው መሪ ኪም ጆንግ ኡን ጋር ዛሬ ከመገናኘታቸው በፊት በሰጡት ጋዜጣዊ መግለጫ÷ የሁለቱ ሀገር መንግሥታት በቀጣዩ ወር በከርሰ-ምድር ማዕድናት ፍለጋ እና በኃይል አቅርቦት ጉዳይ ላይ በትብብር ለመሥራት በሚያስችላቸው ሁኔታ ላይ ለመምከር እንደሚገናኙ ጠቁመዋል፡፡

በቀጣዩ ወር 10ኛው የምጣኔ ሐብት፣ ንግድ እና ሣይንሳዊ የቴክኒክ ትብብሮች ጉባዔ እንደሚያካሂዱም ተገልጿል፡፡