በ11 ከተሞች የሚገኙ 22 ሺህ የጎዳና ተዳዳሪዎችን መልሶ ለማቋቋም እንቅስቃሴ ተጀመረ

በአሁን ወቅት በመላ ሀገሪቱ ከ80 ሺህ በላይ የጎዳና ተዳዳሪዎች እንደሚገኙ ሚኒስቴሩ ይገልፀዋል።

ሚኒስቴሩ አሁን ላይ በ 11 ከተሞች የሚገኙ 22 ሺህ የጎዳና ተዳዳሪዎችን መልሶ ለማቋቋም ከተለያዩ አገልግሎት ሰጪ ተቋማት ጋር ውል በመግባት ላይ እንደሚገኝ ተነግሯል።

ከዚህ ጋር ተያይዞም በ8 ከተሞ የሚገኙ 6 ሺህ 286 የጎዳና ተዳዳሪዎችን ተጠቃሚ ለማድረግ ከ27 አገልግሎት ሰጪ ተቋማት ጋር ሚኒስቴር መስሪያ ቤቱ ውል ፈፅሟል።

በመሆኑም በመቐለ ፣ አዳማ ፣ ደሴ ፣ ሀዋሳ ፣ጋምቤላ ፣ ሀረሪ ፣ አዲስ አበባ እና ድሬ ዳዋ የሚገኙት እነዚህ ተቋማት በዘላቂነት ከጎዳና ህይወት ለማውጣት የተለያዩ እንቅስቃሴዎችን እያደረጉ ይገኛል።

በቀጣይም በሌሎች ከተሞች ህፃናትን የያዙ እናቶችን ፣ ወጣቶችን እና አረጋውያንን ከጎዳና በማንሳት በዘላቂነት ለማቋቋም የቅድመ ዝግጅት ስራዎች ተጠናቀዋል ነው የተባለው።

በፀጋዬ ንጉስ