ጠቅላይ ሚኒስትር ዐቢይ አሕመድ በአልጀርስ የሚገኘውን ሳይዳል የመድሃኒት ፋብሪካ ጎበኙ

አዲስ አበባ፣ ነሐሴ 23፣ 2014(ኤፍ ቢ ሲ) የኢፌዴሪ ጠቅላይ ሚኒስትር ዶክተር ዐቢይ አሕመድ በአልጀርስ የሚገኘውን ሳይዳል የመድሃኒት ፋብሪካን ጎበኙ።

ጠቅላይ ሚኒስትሩ በሰሜን አፍሪካዊቷ አልጀሪያ ከትናንት ጀምሮ ይፋዊ ጉብኝት እያደረጉ ነው።

በዛሬው ዕለትም በሀገሪቱ ዋና ከተማ የሚገኘውን ሳይዳል የመድሃኒት ፋብሪካን ጎብኝተዋል።

ከተመሰረተ 40 ዓመታትን ያስቆጠረው ፋብሪካው 200 የመድሃኒት ዓይነቶችን በማምረት ላይ የሚገኝና በአፍሪካም በግዙፍነቱ የሚጠቀስ ነው።

አፍሪካን በመድሃኒት የማስተሳሰር እቅድ ይዞ እየሰራ መሆኑንም የፋብሪካው አመራሮች ለጠቅላይ ሚኒስትር ዐቢይ አሕመድ ገልጸውላቸዋል።

በቅርቡም ወደ ኢትዮጵያ መድሃኒት መላክ እንደሚጀምር መገለጹን ኢዜአ ዘግቧል።

ጠቅላይ ሚኒስትር ዐቢይ አሕመድ በአልጀሪያ እያደረጉት ባለው ይፋዊ የስራ ጉብኝት በርእሰ መዲናዋ አልጀርስ የሚገኘውን የሰማዕታት መታሰቢያ ሙዚየምን በመጎብኘት በስፍራው የአበባ ጉንጉን አኑረዋል።

በአልጀሪያ ቆይታቸው ከሀገሪቱ ፕሬዚዳንት አብዱል መጅድ ታቡኔ ጋር በመገናኘት የሁለቱ ሀገራት ግንኙነት በሚጠናከርባቸው ጉዳዮች ዙሪያ ውይይት ያደርጋሉ ተብሎ ይጠበቃል።

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር ከእኛ ጋር ስላሉ እናመሰግናለን!