Fana: At a Speed of Life!

5ኛው የኢትዮጵያ፣ የሱዳንና የግብፅ የውሃ ጉዳይ የሚኒስትሮች ስብሰባ በካይሮ እየተካሄደ ነው

አዲስ አበባ ፣ ህዳር 22 ፣ 2012 (ኤፍ ቢ ሲ) በታላቁ የኢትዮጵያ ሕዳሴ ግድብ የውሃ ሙሌትና አለቃቀቅ ጉዳይ ላይ የሚመክረው የኢትዮጵያ፣ የሱዳንና የግብፅ የውሃ ጉዳይ ሚኒስትሮች የቴክኒክ ስብሰባ በካይሮ እየተካሄደ ነው።

ስብሰባው የግድቡ የውኃ ሙሌትና አለቃቀቅን በሚመለከት ህዳር 5 እና 6 ቀን 2012 ዓ.ም በአዲስ አበባ በተካሄደው ስብሰባ ውይይት ተደርጎባቸው የጋራ መግባባት ባልተደረሰባቸው ጉዳዮች ላይ ትኩረቱን ያደርጋል።

የውሃ፣ መስኖ እና ኢነርጂ ሚኒስትር ዶክተር ስለሽ በቀለ የአባይ ውሃ ለኢትዮጵያ ድህነትን ማጥፊያ እና የህልውና ጉዳይ መሆኑን ጠቅሰው፥ የአሁኑንና የወደፊት ትውልድ የመጠቀም መብትን የማይገድብ መሆኑን ተናግረዋል።

ሚኒስትሩ ስብሰባው በግድቡ ሙሌት እና የውኃ አለቃቀቅ ዙሪያ በአዲስ አበባ በተጀመረው ውይይት መሰረት እንደሚቀጥልና መግባባት ላይ እንደሚደረስ ተስፋቸውን ገልጸዋል።

አያይዘውም ሚኒስትሮቹ በመግባባት መንፈስ በመንቀሳቀስ ለሶስቱ ሀገራት ህዝቦች መልካም ዜና ማብሰር ይጠበቅባቸዋል ነው ያሉት።

የግብጽ እና የሱዳን የውሃ ሚኒስትሮችም ስብሰባው በአዲስ አበባ በተጀመረው የውይይት መንፈስ እንደሚቀጥል እምነታቸውን መሆኑን ጠቅሰዋል።

በስብሰባው ላይ የዓለም ባንክ እና የአሜሪካ መንግስት ተወካዮች በታዛቢነት እየተሳተፉ መሆኑን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመላክታል።

በአዲስ አበባው ምክክር ሶስቱ ሀገራት በግድቡ ውሃ አያያዝና አለቃቀቅ ዙሪያ አቋማቸውን አንፀባርቀው በስፋት መወያየታቸው ይታወሳል።

 

You might also like
Comments
Loading...