በምክትል ጠቅላይ ሚኒስትሩ የተመራ ልዑክ በስደተኞች ፎረም ላይ እየተሳተፈ ይገኛል

አቶ ደመቀ በፎረሙ ላይ ንግግር የሚያደርጉ ሲሆን፥ መቀመጫቸውን ጄኔቫ ካደረጉ ዓለም አቀፍ ሰብዓዊ ድጋፍ ሰጭ ተቋማት ከፍተኛ አመራሮች ጋር ይወያያሉ ተብሎም ይጠበቃል።

በፎረሙ ላይ የልዑካን ቡድኑ ኢትዮጵያን በመወከል ከስደተኞች ጋር በተያያዘ በሰብዓዊ ድጋፍ አገልግሎት ዙሪያ የሃገሪቱን ተሞክሮ እንደሚያጋራ ይጠበቃል።

ኢትዮጵያ ከአፍሪካ በቀዳሚነት ስደተኛ ተቀባይ ሃገር ከመሆኗ ጋር ተያይዞ አፍሪካን በመወከል በፎረሙ ላይ በብቸኝነት እንድትሳተፍ መመረጧን ከምክትል ጠቅላይ ሚኒስትር ጽህፈት ቤት ያገኘነው መረጃ ያመላክታል።

ኢትዮጵያ ከ29 ሃገራት የተውጣጡ አንድ ሚሊየን የሚጠጉ ስደተኞችን ተቀብላ የሰብዓዊ ድጋፍ አገልግሎት በመስጠት ከአፍሪካ በቀዳሚነት ትጠቀሳለች።