Fana: At a Speed of Life!

የፊንላንድ ጠቅላይ ሚኒስትር ስልጣናቸውን ለቀቁ

አዲስ አበባ፣ ህዳር 23፣ 2012 (ኤፍ.ቢ.ሲ) የፊንላንድ ጠቅላይ ሚኒስትር አንቲ ኒይን ከኃላፊነታቸው ለመነሳት የስራ መልቀቂያ ለሀገሪቱ ፕሬዚዳንት ማቅረባቸው ተሰምቷል።

ጠቅላይ ሚኒስትር አንቲ ኒይን ስልጣናቸውን እንዲለቁ ያደረገውም ሀገሪቱን በሚመራው በአምስቱ ፓርቲዎች ጥምረት ዘንድ እምነት በማጣታቸው እንደሆነም ተነግሯል።

ጠቅላይ ሚኒስትር አንቲ ኒይን ከሁለት ሳምንታት በፊት በሀገሪቱ ፖስታ አገልግሎት ተጀምሮ ወደ ሀገሪቱ የአየር መንገድ ‘ፊንኤይር ’ እና ሌሎች ኢንዱስትሪዎች የተስፋፋውን ተቃውሞ የተቆጣጠሩበት መንገድ እምነቱን እንዲያጡ አድርጓል ተብሏል።

የሀገሪቱ ፕሬዚዳንት ኒኒስቶ በበኩላቸው፥ የጠቅላይ ሚኒስትር አንቲ ኒይን መልቀቂያ መቀበላቸውን ገልፀው፤ አዲስ መንግስት እስኪመሰረት ግን ካቢኔያቸው እንደ ባላደራ መንግስት ሆኖ ሀገሪቱን እንዲመራ ጠይቀዋል ነው የተባለው።

ሴንተር ፓርቲ የተባለው የፊንላንድ የፖለቲካ ፓርቲ የጠቅላይ ሚኒስትር አንቲ ኒይን መልቀቂያ ተከትሎ አዲስ ምርጫ እንዲደረግ ፍላጎቱን ማሳየቱ ተነግሯል።

ሆኖም ግን የጠቅላይ ሚኒስሩን መልቀቂያ ተከትሎ የሀገሪቱ ፓርላማ አዲስ መንግስት ምስረታ ዙሪያ እንደሚወያይ የሚጠበቅ ሲሆን፥ አሁን ሀገሪቱን እየመራ ያለው የ5 የፖለቲካ ፓርቲዎች ጥምር መንግስት የመቀጠል እንድል እንዳለው ተገምቷል።

የሶሻል ዴሞክራቲክ ፓርቲ አባል የሆኑት እና የ34 ዓመቱ የሀገሪቱ የትራንስፖርትና ኮሙዩኒኬሽን ሚኒስትር ሳና ማሪን ጠቅላይ ሚኒስትር አንቲ ኒይን ለመተካት ቅድሚያ ግምት እንደተሰጠውም ተነግሯል።

የ34 ዓመቱ ሳና ማሪን ጠቅላይ ሚኒስትር ሆነው ከተመረጡም በእድሜ ትንሹ ጠቅላይ ሚኒስትር እንደሚሆኑም ነው እየተነገረ ያለው።

ሌላው የጠቅላይ ሚኒስትርነት ግምት የተሰጣቸው ደግሞ የሶሻል ዴሞክራቲክ ፓርቲው አንቲ ሊንድማን መሆናቸውም ነው እየተነገረ ያለው።

ምንጭ፦ www.reuters.com

 

You might also like
Comments
Loading...