Fana: At a Speed of Life!

የአማራ ክልል ፓሊስ ኮሚሽን የህዝቡን የሰላም ጥያቄ ሊመልስ የሚችል ሪፎርም ማካሄዱን ገለጸ

አዲስ አበባ፣ ህዳር 23፣ 2012 (ኤፍ ቢ ሲ) በአማራ ክልል የተጀመረውን ሰላም እና ደህንነት ለማስቀጠል የፀጥታ ሃይሉን በሰው ሃይልና በግብዓት የማጠናከር ስራ በትኩረት እየተሰራ መሆኑን የክልሉ ፖሊስ ኮሚሽን አስታውቋል።

የአማራ ክልል ፓሊስ ኮሚሽን ኮሚሽነር አበረ አዳሙ በዛሬው ዕለት ለጋዜጠኞች በሰጡት መግለጫ፥ ክልሉ በአሁኑ ወቅት በተረጋጋ ሠላም ላይ የሚገኝ መሆኑን ተናግረዋል።

ይህም በማህበረሰቡ፣ በወጣቶች እና በክልሉ ልዩ ሃይል በተሰራ የቅንጅት ስራ የመጣ መሆኑን ነው የገለጹት።

የተጀመረውን ሰላም እናደህንነት በዘላቂነት ለማስቀጠልም የፀጥታ ሃይሉን በሰው ሃይልና በግብዓት የማጠናከር ስራ በትኩረት እየተሰራ እንደሚገኝ ገልፀዋል።

በተጨማሪም የህዝቡን የሰላም ጥያቄ ለመመለስ እና ከዘመኑ ቴክኖሎጂ ጋር የሚራመድ የሰው ሃይል ለመፍጠር የተለያዩ የሪፎርም ስራዎች መከናወናቸውን ጠቁመዋል።

የተካሄደው ሪፎርም ሳይንሳዊ በሆነ እና የክልሉን ህዝብ ሰላም ማስከበር የሚቻልበትን ሁኔታ ግምት ውስጥ በማስገባት የተከናወነ መሆኑን ኮሚሽነሩ ተናግረዋል።

በናትናኤል ጥጋቡ

You might also like
Comments
Loading...