Fana: At a Speed of Life!

እስራኤል በሄብሮን አዲስ የሰፈራ ፕሮግራም ልታስጀምር ነው

አዲስ አበባ ፣ ህዳር 22 ፣ 2012 (ኤፍ ቢ ሲ) እስራኤል በሄብሮን ከተማ አዲስ የሰፈራ ፕሮግራም ልታስጀምር ነው።

የሃገሪቱ መከላከያ ሚኒስቴር በከተማዋ አዳዲስ መኖሪያ ቤቶችን ለመገንባት የቀረበውን እቅድ አጽድቆታል።

ውሳኔውን ተከትሎም የፍልስጤም ከፍተኛ ባለስልጣናት ቁጣቸውን እየገለጹ ነው።

አሁን ለመገንባት የታሰበው መኖሪያ ሰፈር በሄብሮን በሚገኘው የገበያ አዳራሽ አካባቢ ነው ተብሏል።

የእድሜ ጠገቧ ከተማ ዋነኛ የንግድ ስፍራ እንደሆነ የሚነገርለት ይህ አካባቢ፥ ከፈረንጆቹ 1994 ጀምሮ በእስራኤል ወታደሮች ትዕዛዝ ተዘግቶ ይገኛል።

ፍልስጤማውያን የአሁኑን እርምጃ አደገኛና በአካባቢው አዲስ ውጥረትን የሚያነግስ ነው ሲሉ አስጠንቅቀዋል።

የዌስት ባንክ ትልቋ ከተማ ሄብሮን፥ ሄብሮን 1 እና ሄብሮን 2 በተባሉ ሁለት የተለያዩ አካባቢዎች ተከፍላለች።

ወደ 200 ሺህ ፍልስጤማውያን በከተማዋ የሚኖሩ ሲሆን፥ ሄብሮን 1 መቀመጫውን ራማላህ ባደረገው የፍልስጤም አስተዳደር ይመራል።

የሄብሮን 2 አብዛኛውን አካባቢ ደግሞ እስራኤል ወታደሮች ተቆጣጥረውታል።

ሄብሮን ከእየሩሳሌም ቀጥላ ሁለተኛዋ ቅድስት ከተማ መሆኗ ይነገራል።

 

 

ምንጭ፦ አልጀዚራ

 

 

You might also like
Comments
Loading...