Fana: At a Speed of Life!

ኢትዮጵያ በሴካፋ ውድድር አትሳተፍም

አዲስ አበባ፣ ህዳር 23፣ 2012 (ኤፍ ቢ ሲ) ኢትዮጵያ በመጪው ቅዳሜ በሚጀመረው የምስራቅና መካከለኛው አፍሪካ የእግር ኳስ ውድድር /ሴካፋ/ እንደማትሳተፍ የእግር ኳስ ፌዴሬሽን አስታወቀ።

ኢትዮጵያ ከሕዳር 27 እስከ ታህሳስ 9 ቀን 2012 ዓ.ም በዩጋንዳ በሚካሄደው ውድድር እንድትሳተፍ የምድብ ድልድል ውስጥ መካተቷ ይታወቃል።

ይሁን እንጂ የኢትዮጵያ እግር ኳስ ፌዴሬሽን ከውድድሩ ከሚገኘው ጥቅምና ከሚወጣበት ወጪ አንጻር መሳተፉ አስፈላጊ አይደልም ብሏል።

የፌዴሬሽኑ የሕዝብ ግንኙነት ዳይሬክተር ባህሩ ጥላሁን
እንደገለጹት ፌዴሬሽኑ ያለውን ውስን በጀት ለሴካፋ ውድድር ማዋሉ ጠቃሚ እንዳልሆነ ያምናል።

ከዚህም ባለፈ አንድ ውድድር የሚለካው በተሳትፎ ብቻ ሳይሆን ሌሎች ጥቅሞች ተገምግመው በመሆኑ በውድድሩ መሳተፉ ጠቃሚ አይደለም ማለታቸውን ኢዜአ ዘግቧል።

እናም ኢትዮጵያ በምድብ ድልድል ውስጥ የተካተተች ብትሆንም በውድድሩ አትሳተፍም ሲሉ አረጋግጠዋል።

You might also like
Comments
Loading...