Fana: At a Speed of Life!

ትራምፕና ጠበቆቻቸው በፕሬዚዳንቱ የክስ መደመጥ ሂደት ላይ እንደማይገኙ አስታወቁ

አዲስ አበባ ፣ ህዳር 22 ፣ 2012 (ኤፍ ቢ ሲ) ኋይት ሃውስ ትራምፕና ጠበቆቻቸው በፕሬዚዳንቱ የክስ መደመጥ ሂደት ላይ እንደማይገኙ አስታወቀ።

ፕሬዚዳንት ትራምፕ ባለፈው ሳምንት አጋማሽ በተወካዮች ምክር ቤት የፊታችን ረቡዕ የእርሳቸውን የክስ መደመጥ ሂደት በአካል ተገኝተው እንዲከታተሉ ጥሪ ቀርቦላቸው ነበር።

ይሁን እንጅ በሚቀርበው የክስ መደመጥ ሂደት ላይ የትራምፕ አስተዳደር እንደማይገኝ ከነጩ ቤተ መንግስት የወጣ መግለጫ አመላክቷል።

ምክር ቤቱ የዛሬ ወር ትራምፕ ላይ የሚደረገው ምርመራ እንዲቀጥል የሚጠይቀውን የውሳኔ ሃሳብ ማጽደቁ ይታወሳል።

የውሳኔ ሃሳቡን መጽደቅ ተከትሎም የመጀመሪያው የፕሬዚዳንቱ የክስ ሂደት ከነገ በስቲያ ይደመጣል።

ዴሞክራቶች ትራምፕ በቀጣዩ ፕሬዚዳንታዊ ምርጫ ተቀናቃኞቻቸውን ለማጥፋት የውጭ ሃይሎችን ድጋፍ ጠይቀዋል በሚል ይወነጅሏቸዋል።

ለዚህ ደግሞ ዩክሬን በቀድሞው የአሜሪካ ምክትል ፕሬዚዳንት ጆ ባይደን እና ልጃቸው ላይ የሙስና ምርመራ እንድትጀምር ጠይቀዋል ነው የተባለው።

ለዚህም ትራምፕ አሜሪካ ለዩክሬን የምትሰጠውን ወታደራዊ ድጋፍ እንደማስፈራሪያ ተጠቅመውበታል ነው ያሉት።

ዴሞክራቶቹ ለዚህ ማስረጃ ይሆናል ያሉትንና ትሬምፕ ከዩክሬኑ አቻቸው ዜለንስኪ ጋር አድርገውታል ያሉትን የስልክ ልውውጥ ቅጂ እንዳላቸውም ገልጸዋል።

 

 

ምንጭ፦ ቢቢሲ

 

You might also like
Comments
Loading...