Fana: At a Speed of Life!

ተመድ በማዕከላዊ ደቡብ ሱዳን የሰላም አስከባሪ ወታደሮቹን አሰማራ

አዲስ አበባ፣ ህዳር 23፣ 2012 (ኤፍ ቢ ሲ) የተባበሩት መንግስታት ድርጅት በማዕከላዊ ደቡብ ሱዳን 75 የሰላም አስከባሪ ወታደሮችን ማሰማራቱ ተገልጿል ።

ወታደሮቹ  በስፍራው የተሰማሩትም በአካባቢው በሚኖሩ ሁለት ጎሳዎች መካከል የተቀሰቀሰውን ግጭት ተከትሎ መሆኑ ነው የተገለጸው።

ጋክ እና ማንዩር በተሰኙ ጎሳዎች መካከል በተፈጠረው ግጭት እስካሁን 75 የሚደርሱ ሰዎች ለህልፈት ሲዳረጉ፥ከ100 በላይ ዜጎች ላይ ደግሞ ጉዳት ደርሷል።

በስፍራው የተሰማሩት የተመድ የሰላም አስከባሪ ወታደሮችም በሁለቱ ጎሳዎች መካከል የተፈጠረውን ግጭት ለማስቆም የበኩላቸውን ድርሻ እንደሚወጡ ታምኖበታል።

በሌላ በኩል ከፍተኛ የሀገሪቱ ባለስልጣናት በቀጠናው በተፈጠረው ችግረ ዙሪያ ከማህበረሰብ ተወካዮች ጋር ለመምክር ወደ ስፍራው ማምራታቸው ተነግሯል።

 

 

 

ምንጭ፦ ሺንዋ

You might also like
Comments
Loading...