Fana: At a Speed of Life!

በካይሮ ሲካሄድ የቆየው የኢትዮጵያ፣ የሱዳንና የግብፅ የውሃ ጉዳይ የሚኒስትሮች ስብሰባ ተጠናቀቀ

አዲስ አበባ፣ ህዳር 23፣ 2012 (ኤፍ ቢ ሲ) በታላቁ የኢትዮጵያ ሕዳሴ ግድብ የውሃ ሙሌትና አለቃቀቅ ጉዳይ ዙሪያ የኢትዮጵያ፣ የሱዳንና የግብፅ የውሃ ጉዳይ ሚኒስትሮች በግብፅ ያካሄዱት የቴክኒክ ስብሰባ ተጠናቀቀ።

ስብሰባው የግድቡ የውኃ ሙሌትና አለቃቀቅን በሚመለከት ህዳር 5 እና 6 ቀን 2012 ዓ.ም በአዲስ አበባ በተካሄደው ስብሰባ ውይይት ተደርጎባቸው የጋራ መግባባት ባልተደረሰባቸው ጉዳዮች ላይ ትኩረቱን በማድረግ ነው የተካሄደው።

የኢፌዴሪ ውሃ፣ መስኖ እና ኢነርጂ ሚኒስትር ዶክተር ስለሺ በቀለ፥ የአባይ ውሃ ለኢትዮጵያ ድህነትን ማጥፊያ እና የህልውና ጉዳይ መሆኑን ጠቅሰው፥ የአሁኑንና የወደፊት ትውልድ የመጠቀም መብትን የማይገድብ መሆኑን ተናግረዋል።

ስብሰባው በግድቡ ሙሌት እና የውኃ አለቃቀቅ ዙሪያ በአዲስ አበባ በተጀመረው ውይይት መሰረት ቀጥሎ የተካሄደ ነው።

በስብሰባው ላይ የዓለም ባንክ እና የአሜሪካ መንግስት ተወካዮች በታዛቢነት እየተሳተፉ መሆኑም ተገልጿል።

በአዲስ አበባው ምክክር ሶስቱ ሀገራት በግድቡ ውሃ አያያዝና አለቃቀቅ ዙሪያ አቋማቸውን አንፀባርቀው በስፋት መወያየታቸው ይታወሳል።

You might also like
Comments
Loading...