Fana: At a Speed of Life!

በተያዘው በጀት ዓመት ለ250 ሺህ ወጣቶች ቋሚ የስራ እድል ለመፍጠር እየተሰራ ነው

አዲስ አበባ፣ ህዳር 23፣ 2012 (ኤፍ ቢ ሲ)በተያዘው በጀት ዓመት ለ 250 ሺህ ወጣቶች ቋሚ የስራ እድል ለመፍጠር እየሰራ መሆኑን የአዲስ አበባ ጥቃቅን እና አነስተኛ ኢንተርፕራይዞች ልማት ቢሮ አስታወቀ።

የቢሮው ምክትል ሀላፊ አቶ ጥላሁን ታደሰ ለፋና ብሮድካስትንግ ኮርፖሬት እንደተናገሩት እስካሁንም ከ50 ሺህ በላይ ለሚሆኑ ወጣቶች የስራ እድል ተፈጥሯል።

ከተማ አስተዳደሩ ከስልጠና ጀምሮ የፋይናንስ አቅርቦት፣ የመስሪያ እና መሸጫ ሼዶች እና መሰል ድጋፎችን እያደረገ መሆኑንም ሃላፊው ተናግረዋል።

የአዲስ ብድርና ቁጠባ ተቋም ለሚፈጠረው የስራ እድል በኢንተርፕራይዝ ለሚደራጁት ከ 2 ነጥብ 2 ቢሊየን ብር በላይ ብድር መመቻቸቱን እና እስካሁንም ከ 2 ሺህ በላይ ለሚሆኑ ኢንተርፕራይዞች ብድር መሰጠቱን አስታውቋል።

እስከ ዓመቱ መጨረሻም በመዲናዋ ይፈጠራል ለተባለው የስራ እድል የተመደበውን ብድር ከ 23 ሺህ በላይ ለሚሆኑ ኢንተርፕራይዞች ለመስጠት ታስቧል።

ለዚህም መንግስት በየአመቱ በቅጥርም ሆነ በኢንትርፕራይዝ በማደራጀት የተለያዩ አማራጮችን እንደሚያዘጋጅ ነው የተነገረው።

ከተማ አስተዳደሩ ከስልጠና ጀምሮ የፋይናንስ አቅርቦት፣ የመስሪያ እና መሸጫ ሼዶች እና መሰል ድጋፎችን እያደረገ መሆኑ ተመላክቷል።

በመዲናዋ ለሚፈጠረው የስራ እድል በቅጥር ከሚፈጠረው ውጭ ሰፊውን ቦታ እና የስራ እድል ለመፍጠር ያስችላል የተባለው በኢንተርፕራይዝ የመደራጀት ስራ ቀዳሚው  ነው ተብሏል።

ፕሮግራሙ  ሁሉንም ስራ አጥ ወጣቶች የሚያሳትፍ ቢሆንም ይበልጥ ትኩረት የሚደረገው  አዲስ  ምሩቃን ላይ  መሆኑም ተገልጿል።

በኢንተርፕራይዝ ለሚደራጁት  የማምረቻው እና የከተማ ግብርና ዘርፎች ልዩ ትኩረት የተሰጣቸው ሲሆን፥ አገልግሎት፣ንግድ እና ኮንስትራክሽንም ስራ ይፈጠርባቸዋል የተባሉ ዘርፎች ናቸው።

በተጨማሪም ተቋሙ በማእከላቱ  ቀልጣፋ አገልግሎት ለመስጠት እንደ ገቢዎች እና ንግድ ቢሮ ያሉ ተቋማት ጋር በቅንጅት እየተሰራ ነው ተብሏል።

በዙፋን ካሳሁን

You might also like
Comments
Loading...