Fana: At a Speed of Life!

በመከላከያ ሚኒስትር አቶ ለማ መገርሳ የተመራ ከፍተኛ የመንግስት ልዑክ ከአሜሪካ ወታደራዊ አመራሮች ጋር ተወያየ

አዲስ አበባ፣ ህዳር 23፣ 2012 (ኤፍ.ቢ.ሲ) በኢፌዴሪ መከላከያ ሚኒስትር አቶ ለማ መገርሳ የተመራ ከፍተኛ የመንግስት ልዑክ ከአሜሪካ ወታደራዊ አመራሮች ጋር በዛሬው እለት ውይይት አድርጓል።

ልዕኩ ከትናንትናው እለት ጀምሮ በአሜሪካ ጉብኝት በማድረግ ላይ እንደሚገኝ ይታወቃል።

በመከላከያ ሚኒስትር አቶ ለማ መገርሳ የተመራውና የኢፌዴሪ ጦር ሀይሎች ኢታማዦር ሹም ጀነራል አደም መሀመድ የተካተተበት ልኡኩ በዛሬው እለትም ከአሜሪካ ወታደራዊ አመራሮች ጋር ውይይት ማድረጉን በአሜሪካ የኢትዮጵያ አምባሳደር ፍጹም አረጋ አስታውቀዋል።

ከፍተኛ የመንግስት ልዑኩ በአሜሪካ እያደረገ ያለው ጉብኝት የኢትዮጵያ እና የአሜሪካን የሁለትዮሽ የመከላከያ ትብብር ለማጠናከር ያለመ መሆኑን አምባሳደር ፍጹም ገልፀዋል።

You might also like
Comments
Loading...