Fana: At a Speed of Life!

ለ30 ሺህ ዜጎች የተለያዩ የነጻ የህክምና አገልግሎት የሚሰጥበት የጤና አውደ-ርዕይ ተከፈተ

አዲስ አበባ፣ ህዳር 22፣ 2012 (ኤፍ ቢ ሲ) ለ30 ሺህ ዜጎች የተለያዩ የነጻ የህክምና አገልግሎት የሚሰጥበት የጤና-አውደ ርዕይ በዛሬው ዕለት በሚሊኒዬም አዳራሽ ተከፍቷል።
 
በዓውደ ርዕዩ ከ200 በላይ የሀገር ውስጥና የውጭ ሀገራት ከፍተኛ የጤና ተቋማት ተወካዮች ተሳትፈዋል።
 
ለሶስት ቀናት የሚቆየው ይህ የጤና አውደ ርዕይ “እኔ ለጤናዬ እጠነቀቃለው” በሚል መሪ ቃል ነው እየተካሄደ የሚገኘው።
 
አውደ ርዕዩ ኢትዮጵያ በዘርፉ ያላትን በጎ ተሞክሮ እና ጥሩ ገፅታ ከማስተዋወቁ ባሻገር በሀገር ውስጥ ከሚገኙ መሰል ተቋማት ጋር ጥሩ ግንኙነት ለመፍጠር የሚያስችል መሆኑ ተገልጿል።
 
ከዚህ ባለፈም በግል እና በመንግስት የጤና ተቋምት መካከል ተቋማዊ የሆነ የአገልግሎት ትስስርን ለመፍጠር ያግዛል ነው የተባለው።
 
በዚህ አውደ ርዕይ ከአንገት በላይ ህክምና፣ የውስጥ ደዌ፣ ስኳር እና የደም ግፊት በሽታ ምርመራ አገልግሎት ይሰጣል።
 
በሌላ በኩል ሀገር ውስጥ ህክምና ለማግኘት አስቸጋሪ የሆኑ የህብረ-ሰረሰር፣ ኩላሊት እንዲሁም ከጀርባ ህመም ጋር ለተያያዙ በሽታዎ ችምርመራና ህክምና እንደሚሰጥ ታውቋል።
በዓውደ ርዕዩ ህብርተሰቡ ከላይ ለተጠቀሱትና ተያያዥ በሽታዎች የጤና ምርመራ እንዲያደርግ ጥሪ ቀርቧል።
 
በትዕግሰት አብርሃም
You might also like
Comments
Loading...