Fana: At a Speed of Life!

በዚምባብዌ የምግብ ዋስትና አሳሳቢ ደረጃ ላይ መድረሱ ተገለጸ

አዲስ አበባ ፣ ህዳር 19 ፣ 2012 (ኤፍ ቢ ሲ) በዚምባብዌ የምግብ ዋስትና አሳሳቢ ደረጃ ላይ መድረሱን የተባበሩት መንግስታት ድርጅት ልዑክ ገለጹ።

በተመድ የዜጎች ምግብ የማግኘት መብት ልዩ መልዕክተኛ ሂላል ኤልቨር በሃገሪቱ ያለው የምግብ ዋስትና አስከፊ የሚባል ደረጃ ላይ መድረሱን ተናግረዋል።

ልዩ መልዕክተኛዋ ይህ ሁኔታ ለዚምባብዌ ብሄራዊ ደህንነት ስጋት መሆኑን በመጥቀስም በሃገሪቱ አለመረጋጋት ሊፈጥር ይችላል ሲሉም አስጠንቅቀዋል።

ልዩ መልዕክተኛዋ አሁን ያለው ሁኔታ ከአንድ ወር በኋላ እንደሚባባስ ጠቅሰው፥ ዓለም አቀፉ ማህበረሰብ የሚያደርገውን ድጋፍ ማሳደግ ይኖርበታል ብለዋል።

ከዚህ ባለፈም መንግስታትና ዓለም አቀፍ ድርጅቶች ችግሩን ለመቅረፍ ሊረባረቡ ይገባልም ነው ያሉት።

የምግብ ዋስትና ችግሩ ከገጠራማው የሃገሪቱ ክፍል ባለፈም በከተሞች አካባቢም በነዋሪዎች ላይ ጫና መፍጠሩንም አንስተዋል።

ከፍተኛ የውጭ ምንዛሬ እጥረት፣ ከፍ ያለ ግብርና የዋጋ ግሽበት ነዋሪዎች ከሚያገኙት አነስተኛ ገቢ ጋር ተደማምሮ በከተሞች ነዋሪዎችን ለምግብ ዋስትና ችግር መዳረጉንም አስረድተዋል።

በቅርብ ጊዜ ይፋ የሆኑ መረጃዎች ወደ 5 ነጥብ 5 ሚሊየን የሚጠጉና በሃገሪቱ ገጠራማ አካባቢዎች የሚገኙ ዚምባብዌያውያን ለምግብ ዋስትና ችግር መጋለጣቸውን ያመላክታሉ።

 

ምንጭ፦ አልጀዚራ

You might also like
Comments
Loading...