Fana: At a Speed of Life!

ፕሬዚዳንት ሳህለወርቅ ከተመድ የሰላም ግንባታ ኮሚሽን አባላት ጋር ተወያዩ

 

አዲስ አበባ፣ ህዳር 2፣ 2012 (ኤፍ ቢ ሲ) ፕሬዚዳንት ሳህለወርቅ ዘውዴ ከተባበሩት መንግስታት ድርጅት የሰላም ግንባታ ኮሚሽን አባላት ጋር ተወያይተዋል።

በውይይታቸውም ሰላምን ለማስፈን የሚከናወን እያንዳንዱ ተግባር የማህበረሰቡን የዳበሩ እውቀቶች ግምት ውስጥ በማስገባት ሊፈጸም እንደሚገባ ፕሬዚዳንት ሳህለወርቅ ተናግረዋል።

የቡድኑ አባላት በበኩላቸው÷ ኢትዮጵያ የምታከናውናቸው ሁሉን አቀፍ የለውጥ ስራዎች ሀገሪቱ የተስፋ ምልክት እንድትሆን ያስቻሏት መሆኑን አንስተዋል።

በተጨማሪም በአለም አቀፍ ደረጃ ሰላምን ለማስፈን የሚከናወኑ ተግባራት የሀገራቱን ብሄራዊ የቅድሚያ አጀንዳዎች ማዕከል ሊያደርጉ እንደሚገባ መግለፃቸውን ከፕሬዚዳንት ፅህፈት ቤት ያገኘነው መረጃ ያመላክታል።

የሰላም ግንባታ ኮሚሽን በጠቅላላ ጉባኤ፣ በጸጥታው ምክር ቤት እንዲሁም በኢኮኖሚና ማህበራዊ ካውንስል የተመረጡ 31 አባል ሀገራት ያሉት የበይነ መንግስታት ተቋም ነው።

በተመሳሳይ ፕሬዚዳንት ሳህለወርቅ ከቢል እና ሜሊንዳ ጌትስ ፋውንዴሽን መስራች ሜሊንዳ ጌትስ ጋር ተወያይተዋል።

በውይይታቸውም ሜሊንዳ ጌትስ በአሁኑ ወቅት በኢትዮጵያ እየታየ ያለው ለውጥ አበረታች መሆኑን ገልጸዋል።

የካቢኔ አባላት የሆኑ ሴት ሚንስትሮችም በውይይቱ በመሳተፍ የሃሳብ እና የልምድ ልውውጥ ማድረጋቸው ተጠቁሟል፡፡

በኢትዮጵያ የስራ ጉብኝት እያደረጉ የሚገኙት ሜሊንዳ ጌትስ በትናንትናው ዕለት ከጠቅላይ ሚኒስትር ዶክተር አብይ አህመድ ጋር መወያየታቸው ይታወሳል።

በውይይታቸው ቢል እና ሜሊንዳ ጌትስ ፋውንዴሽን በመንግሥት ዓበይት የትኩረት መስኮች ላይ አስተዋጽኦ ማበርከት በሚችልባቸው መንገዶች ዙሪያ መክረዋል።

You might also like
Comments
Loading...