Fana: At a Speed of Life!

ፌስቡክ የተለያየ ይዘት ያላቸውን 11 ነጥብ 6 ሚሊየን መረጃዎች አጠፋ

አዲስ አባበ፣ ህዳር 4፣ 2012 (ኤፍ.ቢ.ሲ) ፌስቡክ ጉዳት ሊያስከትሉ ይችላሉ የተባሉ መረጃዎች ከገፁ ማጥፋቱን ይፋ አድርጓል፡፡

ኩባንያው በፈረንጆቹ ነሃሴና መስከረም ወር 2019 ላይ ህፃናትን ለወሲብ ያነሳሳሉ ያላቸውን ጨምሮ 11 ነጥብ 6 ሚሊየን መረጃዎች ማንሳቱን ነው ያስታወቀው፡፡

ፌስቡክ ኢንስታግራም ላይም ራስን ከማጥፋትና መጉዳት ጋር የተያያዙ መረጃዎችን ጨምሮ የተለያየ ይዘት ያላቸውን ፎቶዎች መነሳታቸውን በቁጥር አስደግፎ ይፋ አድርጓል፡፡

የፌስቡክ ምክትል ፕሬዚዳንት ጉያ ሮሴን፥ ሰዎች ራሳቸውን እንዲያጠፉ አልያም እንዲጎዱ የሚያበረታቱ መረጃዎችን እና ፎቶዎችን አንስተናል ብለዋል፡፡

ፌስቡክ ራስን ከማጥፋትና ከመጉዳት ጋር የተያያዙ 2 ነጥብ 5 ሚሊየን መረጃዎችን እንዲሁም ኢንስታግራም 845 ሺህ ፎቶዎችን አጥፍተዋል፡፡

ከአደጋኛ እፅ ሽያጭ ጋር የተያያዙ 4 ነጥብ 4 ሚሊየን መረጃዎችን ፌስቡክ ሲያጠፋ በተመሳሳይ ኢንስታግራም 1 ነጥብ 5 ሚሊየን መረጃዎችን አጥፍቷል፡፡

እንዲሁም የጦር መሳሪያ ሽያጭን በተመለከተ ፌስቡክ 2 ነጥብ 3 ሚሊየን እና ኢንስታግራም 58 ሺህ 600 መረጃዎችን ማጥፋታቸው ተነግሯል፡፡

በተጨማሪም ኢንስታግራም 133 ሺህ 300 ሽብርተኝነትን የሚያበረታቱ መረጃዎችን ማጥፋቱ የተገለፀ ሲሆን ፌስቡክም ከአልቃይዳና አይ ኤስ ጋር የተያያዙ 99 በመቶ መረጃዎች ከገጹ ማጥፋቱን አስታውቋል።

ምንጭ፡- ቢቢሲ

You might also like
Comments
Loading...