Fana: At a Speed of Life!

ጠ/ሚ ዶ/ር አብይ የአሜሪካ አፍሪካ እዝ አዣዥ ጋር ተወያዩ

አዲስ አበባ፣ ጥቅምት 26፣ 2012 (ኤፍ.ቢ.ሲ) ጠቅላይ ሚኒስትር ዶክተር አብይ አህመድ የአሜሪካ አፍሪካ እዝ አዣዥ ጀኔራል ስቴፈን ታውንሴንድ ጋር ተወያዩ፡፡

ጀኔራሉ ጠቅላይ ሚኒስትር ዶክተር አብይ በቅርቡ ባገኙት የኖቤል ሰላም ሽልማት ደስታቸውን የገለፁ ሲሆን ይህ ለኢትዮጵያም ሆነ ለቀጣናው አበረታች ድል መሆኑን ተናግረዋል፡፡

በኢትዮጵያ እና በአሜሪካ መካከል በተለይም ከወታደራዊ የጦር ኃይል አንጻር የነበረውን የረዥም ጊዜ የትብብር ግንኙነት ያስታወሱት ጠቅላይ ሚኒስትሩና ጀኔራል ስቴፈን የሀገሪቱን ጦር ሠራዊት አቅም ለመገንባት የአጭር እና የረዥም ጊዜ ትብብርን በማጠናከር ላይ ተወያይተዋል፡፡

በመከላከያ ሠራዊት ውስጥ እየተከናወነ የሚገኘውን የተሃድሶ ስራ ከማስቀጠል አንጻር የተለያዩ ስራዎች የተከናወኑ መሆኑን ጠቅላይ ሚኒስትሩ ገልፀዋል፡፡

በተለይ ሠራዊቱን ብቃት ያለው ባለሙያ ለማድረግ ፣ ለየትኛውም አካል እና የፖለቲካ ተቋም ምንም ዓይነት አድልዎ ሳያሳይ ወገናዊነቱን ለዲሞክራሲ ብቻ ያደረገ እንዲሆን ሥራዎች እየተከናወኑ መሆኑን መናገራቸውን ከጠቅላይ ሚኒስትር ፅህፈት ቤት ያገኘነው መረጃ ያመለክታል፡፡

You might also like
Comments
Loading...