Fana: At a Speed of Life!

ጎግል የፖለቲካ ይዘት ባላቸው ማስታወቂያዎች ላይ ገደብ ሊጥል ነው

አዲስ አበባ፣ ህዳር 11፣ 2012 (ኤፍ.ቢ.ሲ) ጎግል በመላው ዓለም  የፖለቲካ ይዘት ባላቸው ማስታወቂያዎች ላይ ገደብ ሊጥል መሆኑን አስታወቀ።

አዲሱ የኩባንያው ዘመቻ እድሜ፣ፆታ እንዲሁም አካባቢን (መገኛ አድራሻን) መሰረት ያደረገ ይሆናልም ነው የተባለው።

ገደቡ ተጠቃሚዎች ዩ ቲዩብን ጨምሮ በሚጠቀሟቸው ገጾች በመሃል በሚያስገቧቸው ማስታወቂያዎች ላይ ቁጥጥር ማድረግን ይጨምራል ተብሏል።

በዚህም ተጠቃሚዎቹ ፖለቲካዊ ይዘት ያላቸውን መልዕክቶች በሚለቋቸው ተንቀሳቃሽ ምስሎች መልቀቅ አይችሉም፥ ይህ የሚሆን ከሆነ ግን ኩባንያው እርምጃ እንደሚወስድ ገልጿል።

ይህ ቁጥጥር በሳምንት ጊዜ ውስጥ ብሪታንያ ውስጥ ይጀመራል ብሏል፤ በሌሎች ሃገራት እርምጃው ይቀጥላል ነው ያለው።

እንደ ጎግል ገለፃም የፖለቲካ ማስታወቂያዎችን ማገድ ብቻም ሳይሆን አሳሳች መረጃ በያዙ ማስታወቂያዎች ላይም እርምጃ ይወሰዳል።

የፖለቲካ ማስታወቂያዎች በአንፃራዊነት ከአጠቃላይ ማስታወቂያዎች  አናሳ ነው ፡፡

ምንጭ፡-ቢቢሲ

You might also like
Comments
Loading...