Fana: At a Speed of Life!

ጀርመን የበርሊን ግንብ የፈረሰበትን 30ኛ ዓመት እያሰበች ነው         

አዲስ አበባ፣ ጥቅምት 29፣2012 (ኤፍ ቢ ሲ) ጀርመን ለበርካታ ዓመታት ለሁለት ከፍሏት የነበረውን የበርሊን ግንብ የፈረሰበትን 30ኛ ዓመት በዛሬው ዕለት እያሰበች ትገኛለች፡፡

የበርሊን ግንብ የፈረሰበት 30ኛ ዓመት የተለያዩ ሀገራት መሪዎች በተገኙበት እየተከበረ ይገኛል፡፡

ጀርመን እያከበረች የሚገኘው የበርሊን ግንብ የፈረሰበት 30ኛ ዓመት በሀገሪቱ የነበረው ኮሙኒዝም ርዕዮተ ዓለም ፍፃሜ ያገኘበት እና ሀገራዊ ውህደት የተፈጠረበት ዕለት ነው፡፡

ነገር ግን በዓሉ የበርሊን ግንብ እንዲፈርስ ከፍተኛ አስተዋፅኦ ከነበራቸው አካላት  ጋር ክፍፍል  በተፈጠረበት ወቅት ዕለቱ እየታሰበ ይገኛል ተብሏል፡፡

የዚህ ምክንያትም ከሁለት ቀናት በፊት የፈረንሳይ ፕሬዚዳን ኢማንኡል ማክሮን÷ የሰሜን ቃል ኪዳን ጦር( ናቶ) በማይድን የአዕምሮ በሽታ እየተሰቃየ መሆኑን  በመግለፅ አውሮፓም ከመውደቅ አፋፍ ላይ ትገኛለች ብለዋል፡፡

መራሃይተ መንግስት አንጌለ ሜርክል በበኩላቸው ÷ እንደዚህ አይነት የተጋነነ ውሳኔ መስጠት አስፈላጊ አይመስለኝም ሲሉ ለፕሬዚዳንቱ ምላሽ ሰጥተዋል፡፡

ይህ አጋጣሚም የበርሊን ግንብ ፈረሰበት 30ኛ ዓመት በዓል የተቀዛቀዘ እንዲሆን አድርጎታል ተብሏል፡፡

የበርሊን ግንብ ከፈረንጆቹ 1962 እስከ 1989 በአካልም ሆነ በርዕዮተ ዕለም በርሊን ለሁለት ከፍሏት የነበረ አጋጣሚ እንደነበረ መረጃዎች ያመለክታሉ፡፡

ይህም ምዕራብ ጀርመን ከምስራቅ ጀርመን ግንቡ እስከፈረሰበት ጊዜ ለግንኙነታቸው መቋረጥ ምክንያት ሆኖ ቋይቷል፡፡

ምንጭ፡- ዘ ሎካል

You might also like
Comments
Loading...