Fana: At a Speed of Life!

ዶክተር ወርቅነህ ገበየሁ የኢጋድ ዋና ጸሃፊ ሆነው ተሾሙ

አዲስ አበባ፣ ጥቅምት 27፣2012 (ኤፍ ቢ ሲ) ዶክተር ወርቅነህ ገበየሁ የምስራቅ አፍሪካ የልማት በይነ መንግስታት (ኢጋድ) ዋና ጸሃፊ ሆነው ተሹመዋል።

ዶክተር ወርቅነህ በዛሬው ዕለት ተሰናባቹ የኢጋድ ዋና ጸሃፊ አምባሳደር ኢንጂነር ማህቡብ ሟሊም እና የኢጋድ አምባሳደሮች ሊቀ መንበር እና በጅቡቲ የኢትዮጵያ አምባሳደር አብዱላዚዝ መሃመድ በተገኙበት ስራ መጀመራቸውን የሚያሳይ ፊርማ አኑረዋል።

ዶክተር ወርቅነህ ከጅቡቲ የውጭ ጉዳይ ሚኒስትር መሃሙድ አሊ የሱፍ ጋር በተለያዩ ጉዳዮች ዙሪያ መምከራቸውንም በጅቢቲ የኢትዮጵያ ኤምባሲ ያገኘነው መረጃ ያመላክታል።

ዶክተር ወርቅነህ ገበየሁ ከዚህ በፊት የኢትዮጵያ የውጭ ጉዳይ ሚኒስትር እና የትራንስፖርት ሚኒስትርነትን ጨምሮ በተለያዩ ከፍተኛ የመንግስት የሥራ ሃላፊነቶች ላይ አገልግለዋል።

You might also like
Comments
Loading...