Fana: At a Speed of Life!

 ዶናልድ ትራምፕ ከታሊባን ጋር ተቋርጦ የነበረው  ድርድር እንደሚቀጥል አስታወቁ

አዲስ አበባ ፣ ህዳር 19 ፣ 2012 (ኤፍ ቢ ሲ) የአሜሪካው ፕሬዚዳንት ዶናልድ ትራምፕ ከታሊባን ጋር ተቋርጦ የነበረው ድርድር እንደሚቀጥል አስታውቀዋል፡፡

ፕሬዚዳንቱ ይህን ያሉት የምስጋና ቀን በዓልን ምክንያት በማድረግ  በአፍጋኒስታን ድንገተኛ ጉብኝት ባደረጉበት ወቅት ነው፡፡

ዶናልድ ትራምፕ በዚህ ጉብኝት በሀገሪቱ ከሚገኙ የአሜሪካ ወታደሮች ጋር ተገናኝተዋል።

ፕሬዚዳንት ዶናልድ ትራምፕ በዚህ ወቅት እንዳሉት ከታሊባን ጋር ከዚህ ቀደም በነበረው ውይይት የተኩስ አቁም ስምምነት ላይ ሳይደረስ ቢቆይም አሁን ላይ ከዚህ ስምምነት ላይ ለመድረስ ተችሏል ብለዋል፡፡

ትራምፕ ወደ አፍጋኒስታን ሲሄዱ ይህ የመጀመሪያቸው ሲሆን፤ ከአፍጋኒስታን ፕሬዘዳንት አሽራፍ ጋኒ ጋርም ተገናኛተዋል።

ከታሊባን  ጋር ወደ ሰላማዊ ስምምነት ለመመለስ ሲባል የእስረኞች ልውውጥ ያካሄዱ ሲሆን ይህም ለቀጠናው ሰላም ተስፋ ሰጥቷል፡፡

አሜሪካ እንደ አውሮፓውያን አቆጣጠር በ2001 የደረሰውን የመስከረም 11 ጥቃት ተከትሎ፤ በአፍጋኒስታን ወታደሮቿን ያሳማራች ሲሆን፤ በአሁን ወቅት 13,000 ወታደሮች በሀገሪቱ አሏት፡፡

 

ምንጭ፡- ቢቢሲ

 

You might also like
Comments
Loading...