Fana: At a Speed of Life!

የፀርቐባ ተራራን በአለም አቀፍ ደረጃ ለማስተዋወቅ እየተሰራ ነው

አዲስ አበባ ፣ ህዳር 15 ፣ 2012 (ኤፍ.ቢ.ሲ) በትግራይ ክልል ደቡባዊ ዞን በእንዳመሆኒ እና ኦፍላ ወረዳ መካከል የሚገኘውን  የፀርቐባ ተራራ በአለም አቀፍ ደረጃ ለማስተዋወቅ እየተሰራ መሆኑ ተገልጿል።

በራያ ዩኒቨርሲቲ አስተባባሪነት የራያ ዩንቨርሲቲ ማህበረሰብ አባላት፣ ከመቐለ ዩኒቨርሲቲ፣ ከአዲግራት ዩኒቨርሲቲ እና ከአክሱም ዩኒቨርሲቲ የተውጣጡ ባለሙዎች ወደ ፀርቐባ ተራራ የእግር ጉዞ በማድረግ ጉብኝት አድርገዋል፡፡

በጉብኝቱ ከትግራይ ክልል ባህልና ቱሪዝም ቢሮ፣ ከትግራይ ክልል ደቡባዊ ዞን ባህልና ቱሪዝም ቢሮ የተውጣጡ ባለሙዎች እና የሚድያ አካላትም ተሳትፈዋል።

በራያ ዩኒቨርሲቲ የቱሪዝም ሃብት ተማራማሪ  መምህር መናስቦ ሓድስ እንደገለፁት፥ የፀርቐባ ተራራ ከከፍታው ባሻገር ኮሶን ጨምሮ በርካታ  በአደጋ ላይ ያሉ ሀገር በቀል የተፈጥሮ ዛፎችን ጠብቆ የያዘ ልዩ ስፍራ ሙሆኑን ጠቁመዋል፡፡

ከዚህ በተጨማሪ የፀርቐባ ተራራ ካለው ሙቹ የሆነ ተፈጥሮአዊ አቀማመጥ በማይጨው ጦርነት ወቅት የዞቅናይ እና የንጉስ ዋሻዎች ትልቅ ባለውለታዎች እንደነበሩ አስረድተዋል።

የፀርቐባ ተራራ ከፍታው በትግራይ ክልል ከሚገኙ ተራሮች ማለትም ከእምባ ፅበት ቀጥሎ ሁለተኛ ደረጃ የያዘ አስደናቂ የተፈጥሮ ሃብት መስህብ የተላበሰ ቦታ መሆኑም ተመላክቷል።

የጉብኙቱ አላማ ምሁራን ዘርፈ ብዙ ጥናቶች በማካሄድ የፀርቐባ ተራራን በአለም አቀፍ ደረጃ በማስተዋወቅ የቱሪስት መስህብ ለማድረግ ያለመ መሆኑን ከራያ ዩኒቨርሲቲ ያገኘነው መረጃ ያመላክታል።

You might also like
Comments
Loading...