Fana: At a Speed of Life!

የገቢዎች ሚኒስቴር በጥቅምት ወር 32 ነጥብ 6 ቢሊየን ብር ሰበሰበ

አዲስ አበባ፣ ህዳር 2፣ 2012 (ኤፍ ቢ ሲ) የገቢዎች ሚኒስቴር ባሳለፍነው ጥቅምት ወር 32 ነጥብ 6 ቢሊየን ብር መሰብሰቡን አስታወቀ።

ሚኒስቴሩ በ2011 ዓ.ም በተሰሩ የንቅናቄ መድረኮችና ከታክስ ጋር ተያይዞ በተፈጠሩ መነቃቃቶች የሀገሪቱ የግብር አሰባሰብ እያደገ መምጣቱን ተከትሎ በጥቅምት ወር ብቻ 33 ነጥብ 4 ቢሊየን ብር ለመሰብሰብ አቅዶ ነበር።

በዚህም መሰረትም ሚኒስቴር መስሪያ ቤቱ በወሩ 32 ነጥብ 6 ቢሊየን ብር በመሰብሰብ የእቅዱን 97 ነጥብ 6 በመቶ ማሳካቱን ነው የገለጸው።

አፈፃፀሙ ከአምና ተመሳሳይ ወቅት ጋር ሲነፃፀርም በ8 ነጥብ 3 ቢሊየን ብር ብልጫ ያለው መሆኑ ተመላክቷል።

ይህም የሚኒስቴርሩ ሰራተኞች በቅንነት፣በትጋት ቀልጣፋ አገልግሎት በመስጠትና ከስራ ሰዓት ውጪ ጊዜያቸውን መስዋዕት አድርገዉ በመስራታቸው የተገኘኛ ውጤት መሆኑ ተገልጿል።

እንዲሁም ግብር ከፋዩ ታማኝ ሀገር ወዳድ ዜጋ በመሆን ግብሩን በወቅቱ እየከፈለ በመምጣቱ የባለፉት ሶስት ወራት አፈፃፀም ውጤታማ መሆኑ ተጠቁሟል።

ለዚህ ስኬት አስተዋፅኦ ላበረከቱ ግብር ከፋዮች እና ሰራተኞች ምስጋና ያቀረበው ሚኒስቴሩ፥ በቀጣይ ወራት የገቢ እድገቱ ወደ ኋላ እንዳይመለስ በቅንጅት መስራት እንደሚገባ አሳስቧል።

You might also like
Comments
Loading...