Fana: At a Speed of Life!

የደቡብ ሱዳን ተቀናቃኞች ሪክ ማቻር እና ሳልቫ ኪር በካምፓላ ሊወያዩ ነው

አዲስ አበባ፣ ጥቅምት 25፣ 2012 (ኤፍ.ቢ.ሲ) የደቡብ ሱዳን ፕሬዚዳንት ሳልቫ ኪርና ተቃዋሚው ሪክ ማቻር በዛሬው ዕለት በዩጋንዳ ካምፓላ ይወያያሉ።

በውይይቱም የዩጋንዳ ፕሬዚዳንት ዮዌሪ ሙሴቬኒ እና የሱዳን ሉአላዊ ምክር ቤት ሃላፊ ሌተናል ጀኔራል አብደል ፈታህ አል ቡርሃን የሚሳተፉ ይሆናል።

መድረኩ ተቀናቃኝ ሃይሎቹ ባሳለፍነው ዓመት መስከረም ወር ላይ የሰላም ስምምነት ከተፈራረሙ በኋላ ለሶስተኛ ጊዜ ፊት ለፊት የሚገናኙበት  መሆኑ ተመላክቷል።

በዚህም  ሁለቱ ተቀናቃኝ ሃይሎች በደቡብ ሱዳን የሽግግር መንግስት ምስረታ ዙሪያ በጥልቀት ይመክራሉ ተብሎ ይጠበቃል።

የሀገሪቱ ፕሬዚዳንት ሳልቫ ኪር እና የቀድሞው ተቀዳሚ ምክትል ፕሬዚዳንትና የአማጽያኑ መሪ ሪክ ማቻር ባሳለፍነው መስከረም ወር መጀመሪያ ላይ በጁባ የፊት ለፊት ውይይት ማድረጋቸው ይታወሳል።

በውይይታቸውም የፊታችን ህዳር ወር ላይ በሀገሪቱ ጊዜያዊ የሽግግር መንግስት ለመመስረት ስምምነት ላይ መድረሳቸው ተገልጾ ነበር።

ምንጭ፦www.sudantribune.com

 

 

You might also like
Comments
Loading...