Fana: At a Speed of Life!

የዩኒቨርሲቲ ትምህርቱን በ9 አመቱ ያጠናቀቀው ታዳጊ

አዲስ አበባ ፣ ህዳር 8፣ 2012 (ኤፍ ቢ ሲ) ቤልጄማዊው ታዳጊ ላውሬንት ስምኦን  የዩኒቨርሲቲ ትምህርቱን በ9 አመቱ አጠናቆ ሊመረቅ ተቃርቧል፡፡

ላውሬንት ስምኦን ከትምህርት ቤት ውጭ  የቪዲዮ ጌሞችን በመጫወት ፣ሶሻል ሚዲያዎችን በመጠቀም እንዲሁም በጉዞ  ጊዜውን ያሳልፋል፡፡

ሆኖም እንደዚህ አይነት ልምድ ያለው ይህ ታዳጊ የትምህርት ቤት ፀባዩ ከእርሱ በአስርት ዓመት የሚበልጡትን ተማሪዎች እያሳፈረ በ9 አመቱ  ከዩኒቨርሲቲ ሊመረቅ ዝግጀት ላይ እንደሚገኝ ኦዲቲ ሴንትራል አስነብቧል፡፡

ታዲያ ይህ ታዳጊ ነገሮች ጥሩ ሂደውለት የመመረቂያ ፐሮጀክቱንም በስኬት ካጠናቀቀ   በመጪው ታህሳስ ወር  በኤሌክትሪካል ምንድህስና  ዲግሪውን ከኢንድሆቭን  ቴክኖሎጂ ዩኒቨርሲቲ  ይይዛል ተብሎ ይጠበቃል፡፡

በዚህም ፕሮፌሰሮችን ጨምሮ ሌሎች በአከባቢው ያሉ ሰዎች ለፈጣኑ ታዳጊ አድናቆታቸውን  ችረውታል፡፡

ሰዎች ዩኒቨርሲቲ ገብተው በዲግሪ ለመመረቅ ሶስት ዓመት የሚወሰወድባቸው ሲሆን ታዳጊው ግን በ10 ወር ዲግሪውን ለመያዝ ተቃርቧል፡፡

ይህ ፈጣን ታዳጊም የመጀመሪያ ዲግሪውን ካገኘ  በኋላም ህክምና ማጥናት እንደሚፈልግ ተናግሯል፡፡

ላውሬንት ስምኦን በዚህ ደረጃ ስኬታማ እንዲሆን ያስቻለው በአጭር ጊዜ በርካታ መረጃዎችን የመያዝ እቅም  እና ላቅ ያለ ምጡቅ አዕምሮ  ባለቤት መሆኑ ነው የተነገረው፡፡

ምንጭ፡-ኦዲቲሴንተራል

You might also like
Comments
Loading...