Fana: At a Speed of Life!

የዓለማችን ትንሹ ካሜራ ይፋ ሆኗል

አዲስ አባበ፣ ህዳር 3፣ 2012 (ኤፍ.ቢ.ሲ) ኦምኒ ቪዥን ቴክኖሎጂስ የተባለው ኩባንያ የዓለማችን በመጠኑ በጣም አነስተኛ የሆነ ካሜራ ሰርቶ ይፋ አድርጓል።

ኩባንያው የሰራው ካሜራም የዓለማችን በመጠኑ ትንሹ ካሜራ በሚል የዓለም የድንቃ ድንቅ መዝገብ ላይ ስሙ ሰፍሯል ነው የተባለው።
የካሜራው መጠንም 0 ነጥብ 575 ሚሊ ሜትር በ0 ነጥብ 575 ሚሊሜትር መሆኑ ተነግሯል።

ካሜራው ለህክምና አገልግሎት በስፋት ጥቅም ላይ እንደሚውል የተነገረ ሲሆን፥ ወደ ሰውነታችን ውስጥ በመግባት የሰውነታችንን ክፍል ጥርት ያለ ምስል የሚያነሳ ነው ተብሏል።

ካሜራው እስከ 40 ሺህ ፒክስል ጥራት ያለው ባለቀለም ምስል ማንሳት የሚችል መሆኑንም ኦምኒ ቪዥን ቴክኖሎጂስ ኩባንያ አስታውቋል።

ካሜራው በኢንዶስኮፕ የህክምና መሳሪያዎች ላይ በመገጠም የሰውነታችንን ውሳጠዊ ክፍል ምስል በጥራት ለማንሳት የሚውል መሆኑም ተነግሯል።

ኦምኒ ቪዥን ቴክኖሎጂስ የሰራው በመጠኑ የዓለማችን ትንሹ ካሜራ በብዛት ተመርቶ ጥቅም ላይ ለማዋል ዝግጁ መደረጉንም ነው ኩባንያው ያስታወቀው።

ምንጭ፦ www.techworm.net

You might also like
Comments
Loading...