Fana: At a Speed of Life!

የኩፍኝ ቫይረስ በሽታ የመከላከል አቅምን ያዳክማል- ጥናት

አዲስ አበባ፣ ጥቅምት 21፣ 2012 (ኤፍ.ቢ.ሲ) የኩፍኝ በሽታ የሰውነትን በሽታ የመካላከል አቅም በእጅጉ እንደሚያዳክም አንድ ጥናት አመላክቷል።

የአሜሪካ ተመራማሪዎች ሰሞኑን ይፋ ባደረጉት ጥናት የኩፍኝ በሽታ የሰውነትን በሽታ የመከላከል አቅም በማዳከም ለሌሎች ተጓዳኝ በሽታዎች እንደሚያጋልጥ አረጋግጠናል ብለዋል።

በሳይንስ ጆርናል መጽሄት ላይ የወጣው ይህ ጥናት፥ የኩፍኝ በሽታ የሰው ልጆችን በሽታ የመከላከል አቅምና ስርዓት  በማዛባት ስራቸውን በተገቢው ሁኔታ እንዳያከናውኑ ያደርጋል ይላል።

ጥናቱን ያካሄዱት ተመራማሪዎች ጥናቱን ለመስራት የተወሰኑ ህፃናትን በበሽታው ከመጠቃታቸው በፊትና በኋላ ያላቸውን የደም ናሙና ተጠቅመዋል ።

በጥናቱ ውጤት መሰረትም በበሽታው የተጠቁ ህፃናት የነበራቸውን በሽታ የመከላከል አቅም በእጅጉ በማዳከም ለሌሎች ተጓዳኝ በሽታዎች የሚያጋልጥ መሆኑ ተረጋግጧል።

ቫይረሱ ከ11 በመቶ እስከ 73 በመቶ በሚሆኑት ታካሚዎች ሰውነት ውስጥ የሚገኙትን ፀረ እንግዳ አካላት በማጥፋት በሽታ የመካከል አቅማቸውን የማዳከም ሃይል አለው ነው የተባለው።

ይህም በበሽታው የተያዙ ሰዎች በሌሎች ተጓዳኝ በሽታዎች የመጠቃት እድላቸውን በእጅጉ የሚጨምር መሆኑ ነው የተመላከተው።

የጥናቱ ውጤትም በአሁኑ ወቅት በስፋት እየተሰራጨ ላለው የኩፍኝ ቫይረስ በሽታ የሚመለከተቻው አካላት ተገቢውን ትኩረት ሰጥተው እንዲሰሩ የሚጠቁም መሆኑ ተገልጿል።

ምንጭ፦ ሺንዋ

 

You might also like
Comments
Loading...