Fana: At a Speed of Life!

የኢትዮ ዩጋንዳ የቢዝነስ ፎረም በካምፓላ ተካሄደ

አዲስ አበባ ፣ ህዳር 19 ፣ 2012 (ኤፍ ቢ ሲ) የኢትዮጵያና ዩጋንዳ የቢዝነስ ፎረም በካምፓላ ተካሄደ።

ፎረሙ የኢፌዴሪ ኤምባሲ ከዩጋንዳ ንግድና ኢንዱስትሪ ማህበራት ምክር ቤት ጋር በመተባበር ያዘጋጀው ነው።

የኢትዮጵያ የንግድና የዘርፍ ማህበራት ምክር ቤት ሊቀመንበር ኢንጅነር መላኩ አዘዘው፥ በኢትዮጵያ ያሉ ምቹ የኢንቨስትመንት አማራጮችን በተመለከተ ገለጻ አድርገዋል።

ከፎረሙ ጎን ለጎን በተደረገ ውይይት ኢትዮጵያ እና ዩጋንዳ በድንበር የማይዋሰኑ ከመሆናቸው ጋር ተያይዞ እርስ በእርስ ለመገበያየት ችግር እያጋጠማቸው መሆኑ ተጠቅሷል።

ትራንስፖርት እና ሎጅስቲክስ፣ ቋንቋ፣ ከኢትዮጵያ አኳያ ጊዜያዊ የውጭ ምንዛሬ እጥረት፣ ከኢኮኖሚ ፖሊሲ፣ ረጅምና የተንዛዛ አሰራና መሰል ችግሮች ተለይተዋል።

ሃገራቱ የጀመሩትን የህዝብ ለህዝብ ግንኙነት አጠናክረው ሲቀጥሉ ከግብይት ጋር በተያያዘ ያሉ ተግዳሮቶች በሂደት እየተቀረፉ እንደሚሄዱ በዚህ ወቅት ተገልጿል።

በዛሬው ፎረም ላይ ከ100 በላይ ባለሃብቶች መሳተፋቸውን ከውጭ ጉዳይ ሚኒስቴር ቃል አቀባይ ጽህፈት ቤት ያገኘነው መረጃ ያመላክታል።

You might also like
Comments
Loading...