Fana: At a Speed of Life!

የኢህአዴግ ስራ አስፈፃሚ ኮሚቴ ስብሰባ በውህድ ፓርቲው ረቂቅ ፕሮግራም ላይ ተወያይቶ ረቂቁን ለኢህአዴግ ምክር ቤት መራ

አዲስ አበባ ፣ ህዳር 7 ፣ 2012 (ኤፍ ቢ ሲ) የኢህአዴግ ስራ አስፈፃሚ ኮሚቴ ስብሰባ በዛሬ ውሎው በወደፊቱ ውህድ ፓርቲ ፕሮግራም (ማኒፌስቶ) ላይ ዝርዝር ውይይት እና ክርክር በማካሄድ ረቂቁ ወደፊት ለሚካሄደው የኢህአዴግ ምክር ቤት ስብሰባ እንዲቀርብ መወሰኑን የኢህአዴግ ስራ አስፈፃሚ ኮሚቴ አባል የሆኑት አቶ ፍቃዱ ተሰማ በተለይ ለኢቲቪ ተናግረዋል፡፡

የስራ አስፈፃሚ ኮሚቴው ስብሰባ በነገው ዕለትም የሚቀጥል ሲሆን ኮሚቴው በነገው ውሎው ለወደፊቱ ውህድ ፓርቲ በተዘጋጀው ረቂቅ ሕገ-ደንብ ላይ እንደሚመክር አቶ ፍቃዱ ገልፀዋል፡፡

የዛሬውን ውሎ አስመልክቶም የኢህአዴግ ሊቀመንበርና የኢፈዴሪ ጠቅላይ ሚኒስትር ዶክተር አብይ አህመድ ባስተላለፉት መልዕክት በሚዋሃደዉ ፓርቲ ቁልፍ የፕሮግራም አቅጣጫዎች ዙሪያ ውይይት መደረጉን ጠቁመዋል።

በፓርቲ ፕሮግራሙ ላይ በመወያየት መፅደቁን በመግለፅ አዲሱ ፓርቲ የኢትዮጵያን የፌደራል ሥርዓት እና ዴሞክራሲን ያጠናክራል፤ አካታች ሆኖ ብዝኃነታችንን ያከብራል፤ ኅብረ ብሔራዊነትን ያከበረ አንድነትን መሠረት ያደርጋልም ብለዋል በመልዕክታቸው።

You might also like
Comments
Loading...