Fana: At a Speed of Life!

የአዲስ አበባ ከተማ አስተዳደር ምክር ቤት መደበኛ ጉባኤ የተለያዩ ውሳኔዎችን በማሳለፍ ተጠናቀቀ

አዲስ አበባ፣ ህዳር 20፣ 2012 (ኤፍ.ቢ.ሲ) የአዲስ አበባ ከተማ አስተዳደር ምክር ቤት መደበኛ ጉባኤ የተለያዩ ውሳኔዎችን በማሳለፍና እና ሹመቶችን በማጽደቅ ተጠናቀቀ።

የአዲስ አበባ ከተማ አስተዳደር ምክር ቤት 7ኛ ዓመት የስራ ዘመን 1ኛ መደበኛ ጉባኤውን ከትናንት ጀምሮ ሲያካሂድ መቆየቱ ይታወሳል።

ምክር ቤቱ በመደበኛ ጉባኤው የአስፈጻሚ አካላትን እንደገና ለማደራጀት ስልጣን እና ተግባራቸውን ለመወሰን የወጣውን አዋጅ በማሻሻል የቀረበውን አዋጅ አጽድቋል።

በዚህም መሰረት ንግድ እና ኢንዱስትሪ ልማት ቢሮን በሁለት በመክፈል ንግድ እና ገበያ ልማት ቢሮ እንዲሆን የተወሰነ ሲሆን ኢንዱስትሪ ልማት ቢሮ ደግሞ ለብቻው እንዲደራጅ ተደርጓል።

የአዲስ አበባ ገቢዎች ባለስልጣንም ወደ አዲስ አበባ ገቢዎች ቢሮ የስም ለውጥ ተደርጓል።

ከዚህ በተጨማሪም የአዲስ ሚዲያ ኔትዎርክ የቦርድ አባላትን ሹመት ማጽደቁንም ከከተማ አስተዳደሩ ፕሬስ ሴክረተሪያት ያገኘነው መረጃ ያመለክታል።

You might also like
Comments
Loading...