Fana: At a Speed of Life!

የአየር መንገድ የጉዙ ትኬቶችን በኢትዮጵያ ንግድ ባንክ የክፍያ አማራጮች መጠቀም የሚያስችል ስምምነት ተፈረመ

አዲስ አበባ፣ ጥቅምት 26፣ 2012 (ኤፍ.ቢ.ሲ) የኢትዮጵያ አየር መንገድ የሀገር ውስጥና የውጭ በረራዎችን ቲኬት ግዢ ለመፈፀም የኢትዮጵያ ንግድ ባንክ የተለያዩ ዘመናዊ የክፍያ አማራጮችን መጠቀም የሚያስችል ስምምነት ተፈረመ፡፡

ስምምነቱን የኢትዮጵያ አየር መንገድ ዋና ስራ አስፈፃሚ አቶ ተወልደ ገብረማሪያም እና ኢትዮጵያ ንግድ ባንክ ዋና ዳይሬክተር አቶ ባጫ ጊና በዛሬው ዕለት ተፈራርመዋል፡፡

የኢትዮጵያ ንግድ ባንክ የአየር መንገዱን ሼባ ማይልስ ተገልጋዮች ልዩ ተጠቃሚ ማድረግ የሚያስችል አዲስ የፕላቲነየም ኮብራንድድ ካርድ አገልግሎት ለመስጠት ዝግጅቱን ማጠናቀቁና በቅርቡ እንደሚጀምር ተገልጿል፡፡

በስምምነቱ ወቅት ንግድ ባንክና የኢትዮጵያ አየር መንገድ የኤሌክትሮኒክ የክፍያ ዘዴ በማሳለጥ ረገድ ከፍ ያለ ደረጃ ላይ መድረሳቸውን አስታቀዋል፡፡

የኢትዮጵያ አየር መንገድ ከ 22 ሚሊዮን በላይ ደንበኞች ያሉት ሲሆን፣ ከነዚህም ውስጥ 30 በመቶ የሚሆኑት የዲጅታል የክፍያ አማራጮችን ይጠቀማሉ ተብሏል፡፡

You might also like
Comments
Loading...