Fana: At a Speed of Life!

የአሜሪካው የውጭ ጉዳይ ሚኒስትር በጀርመን ጉብኝት ሊያደርጉ ነው

አዲስ አበባ ፣ ጥቅምት 26 ፣ 2012 (ኤፍ ቢ ሲ) የአሜሪካው የውጭ ጉዳይ ሚኒስትር ማይክ ፖምፒዮ በጀርመን የስራ ጉብኝት ሊያደርጉ ነው።

ፖምፒዮ ከዛሬ ጀምሮ በሚያደርጉት ጉብኝት ከጀርመኗ መራሂተ መንግስት አንጌላ ሜርክል ጋር ይወያያሉ ተብሎ ይጠበቃል።

ከዚህ ባለፈም ከውጭ ጉዳይ ሚኒስትሩ ሄኮ ማስ እና ከጀርመን ከፍተኛ ባለስልጣናት ጋር ይመክራሉም ነው የተባለው።

የበርሊን ግንብ የፈረሰበት 30ኛ አመት መታሰቢያ በዓል ላይ ይገኛሉም ተብሏል።

ሁለቱ የሰሜን አትላንቲክ ቃል ኪዳን ድርጅት (ኔቶ) አባል ሃገራት ከቅርብ ጊዜ ወዲህ በአንዳንድ ጉዳዮች ላይ ልዩነት መፍጠራቸው ይነገራል።

በተለይም በመከላከያ በጀት ጉዳዮች፣ በኢራን የኒውክሌር ፕሮግራም እንዲሁም ሩሲያ እየገነባችው ባለው ኖርድ ስትሪም 2 በተባለው የጋዝ ማስተላለፊያ መስመር ዝርጋታ ላይ ልዩነቶቻቸው እየሰፉ መምጣታቸው ይነገራል።

የጋዝ ማስተላለፊያ መስመሩ ከ1 ሺህ 200 ኪሎ ሜትር በላይ በመሸፈን የባልቲክ ባህርን አቋርጦ መዳረሻውን ጀርመን ያደረገና ለአውሮፓ ሃገራት የጋዝ ምርት ማቅረብ የሚያስችል ነው።

 

ምንጭ፦ ሺንዋ

 

You might also like
Comments
Loading...