Fana: At a Speed of Life!

የንግዱ ማህበረሰብ በስራ ፈጠራ ላይ ተግቶ መስራት እንዳለበት ተገለፀ

አዲስ አበባ፣ ህዳር 4፣ 2012 (ኤፍ.ቢ.ሲ) የንግዱ ማህበረሰብ ከመቼውም ጊዜ በበለጠ ስራ ፈጠራ ላይ ተግቶ መስራት እንዳለበት ተገለፀ።

ይህ የተባለው ዛሬ የኦሮሞና የአማራ ባለሀብቶች የውይይት መድረክ ሲካሄድ ነው።

የኦሮሞ እና የአማራ ባለሀብቶች በዛሬው እለት ባካሄዱት ውይይት በተለያዩ በወቅታዊ የሀገሪቱ ጉዳይ ላይ መክረዋል።

በምክክር መድረኩ በሀገሪቱ የተለያዩ አካባቢዎች ለሚነሱ ችግሮች ምፍትሄ ማፈላለግ ላይ የመንግስት ሚና እንዳለ ሆኖ ባለሀብቱ በበኩሉ ምን መስራት አለበት የሚለው ላይ ትኩረቱን እድርጓል።

የሁለቱ ክልል ባለሀብቶች የጠበቀ ግንኙነት እና አንድነት በመመስረት በሀገሪቱ ለግጭት የሚዳርጉ ችግሮችን ለመቅረፍ በጋራ እንደሚሰሩ አስታውቀዋል።

በመድረኩ በቀረበው የውይይት መነሻ እንደተገለፀው፤ ማናቸውም የንግድ ተቋሞች የሀገር እና ህዝብ ሀብት በመሆናቸው ጥበቃ እንዲደረግላቸው ግንዛቤ መፍጠር ያስፈልጋል ተብሏል።

የግል ባለሀብቱ አግላይ ከሆነ ጉዳይ የፀዳ መሆን ይኖርበታል፤ በተለይ በጎሳ እና በተለያዩ ከፋፋይ ሁኔታዎች ድርጅቶችን መሰየም፤ በሀገር አንድነት ላይ ተፅእኖ እንደሚያሳድር ሊታወቅ እንደሚገባም በመድረኩ ተነስቷል።

ሀገሪቱን ከድህነት አረንቋ ለማውጣት ግብርን በወቅቱ እና በአግባቡ መክፈል ከምንም በላይ ከባለሀብቱ የሚጠበቅ ኃላፊነት አንደሆነም ተገልጻል።

የግል ደርጅቶች አወቃቀር በብሄር፣ በሀይማኖት እና በፆታ ላይ ምንም ልዩነት ሳያደርግ መዋቀር እንደሚገባም በመድረኩ ተነስቷል።

በአላዛር ታደለ

You might also like
Comments
Loading...