Fana: At a Speed of Life!

የትዊተር የቀድሞ ሰራተኞች ለሳዑዲ በመሰለል አሜሪካ ውስጥ ተከሰሱ

አዲስ አበባ፣ ጥቅምት 27፣ 2012 (ኤፍ ቢ ሲ) ሁለት የትዊተር የቀድሞ ሰራተኞች አሜሪካ ውስጥ ለሳዑዲ ዓረቢያ በመሰለል ክስ ተመሰረተባቸው፡፡

በሁለቱ ግለሰቦች ላይ ክሱ በትናንትናው ዕለት የተከፈተ ሲሆን የሳዑዲ ዓረቢያ መንግስትን የሚወቅሱ ሰዎችን ጨምሮ የተለያዩ ግለሰቦችን የግል መረጃ ሲበረብሩ ነበር ተብሏል፡፡

የፍርድ ቤት መረጃዎች እንደሚያመላክቱት ክሱ የተመሰረተባቸው ግለሰቦች አሜሪካዊ ዜግነት ያለው አህመድ አቦውሞ እና አሊ አልዛባራህ የተባለ የሳዑዲ ዓረቢያ ዜግነት ያለው ግለሰብ ነው፡፡

አህመድ አልሙታሪ የተባለ ሌላኛው ሳዑዲ ዓረቢያዊ በሰላይነት ተጠርጥሮ ክስ እንደተመሰረተበትም ነው የተነገረው፡፡

አህመድ አልሙታሪ የተባለው ግለሰብ ሁለቱን የቀድሞ የትዊተር ሰራተኞች እና የሳዑዲ ዓረቢያ ባለስልጣናትን በማግኘት ክስ ተመስርቶበታል፡፡

ኒውዮርክ ታይምስ ባሰፈረው ዘገባ የሳዑዲ ዓረቢያ ዜግነት ያለው ግለሰብ አሜሪካ ውስጥ በመሰለል ክስ ሲመሰረትበት ለመጀመሪያ ጊዜ መሆኑን ያመላክታል።

ምንጭ፡- ቢቢሲ

You might also like
Comments
Loading...