Fana: At a Speed of Life!

የብርራዚል የቀድሞ ፕሬዚዳንት  ሉላ ዳ ሲልቫ ከእስር ሊፈቱ እንደሚችሉ ተገለፀ

አዲስ አበባ፣ ጥቅምት 28፣2012 (ኤፍ ቢ ሲ) የብራዚል ከፍተኛው ፍርድ ቤት ወንጆለኞችን የሚታሰሩበት ሂደት ላይ ማሻሻያ ማድረጉን ተከትሎ በእስር ላይ የሚገኙት የብራዚል የቀድሞ ፕሬዚዳንት ሉላ ዳ ሲልቫ ከእስር ሊፈቱ እንደሚችሉ ተነገረ፡፡

ፍርድ ቤት ወንጀለኞች ወደ እስር ቤት ሊሄዱ የሚገባው ሁሉምንም የይግባኝ አማራጮች ከተጠቀሙ በኋላ ነው የሚል ውሳኔን አሳልፏል፡፡

የብራዚል ከፍተኛ ፍርድ ቤት የሀገሪቱን የወንጅል ህግ ለማሻሻል ስድስት ለአምስት በሆነ ድምፅ ውሳኔ አሳልፏል፡፡

እንዲሻሻል የተደረገው ነባሩ ህግ ወንጀለኞች የመጀመሪያው የይግባኝ ጥያቄያቸውን ውድቅ ከሆነ በቀጥታ እንዲታሰሩ የሚያዝ ነበር፡፡

በዚህም ለውጥም የብራዚልን የቀድሞ ፕሬዚዳንት ጨምሮ በሺዎች የሚቆጠሩ እስረኞች ሊፈቱ እንደሚችል  ነው እየተነገረ የሚገኘው፡፡

ብራዚልን ከፈረንጆቹ 2003 እስከ 2010 የመሯት ግራ ዘመሙ ሉላ ዳ ሲልቫ ከባለፈው ዓመት ጀምሮ በእስር ላይ ይገኛሉ፡፡

ባለፈው ዓመት የተካሄደውን ፕሬዚዳንታዊ ምርጫ የማሸነፍ እድል የነበራቸው ሉላ በሙስና ወንጀል ተሳትፈዋል ተብሎ ለእስር ተዳርገዋል፡፡

ነገር ግን ሉላ የሚቀርብባቸውን የሙስና ክስ በተደጋጋሚ ውድቅ የሚያደርጉ ሲሆን የሚቀርብባቸው ፓለቲካዊ አለማ አለው ይለሉ፡፡

ሉላ ዳ ሲልቫ በፕሬዚዳንታዊ ምርጫ እንዳይሳተፉ መታገዳቸውን ተከትሎ ቀኝ ዘመሙ ጀይር ቦልሶናሮ የሀገሪቱ ፕሬዚዳንት ሆነ መመረጣቸው የሚታወቅ ነው፡፡

ምንጭ፡- ቢቢሲ

You might also like
Comments
Loading...