Fana: At a Speed of Life!

የብራዚል የቀድሞ ፕሬዚዳንት ሉላ ዳ ሲልቫ ከእስር ተፈቱ

 

አዲስ አበባ፣ ጥቅምት 29፣2012 (ኤፍ ቢ ሲ) ብራዚልን ከፈረንጆቹ 2003 እስከ 2010 የመሯት የሀገሪቱ የቀድሞ ፕሬዚዳንት ሉላ ዳ ሲልቫ ከእስር ተፈቱ፡፡
 
የብራዚል ከፍተኛው ፍርድ ቤት ወንጆለኞች የሚታሰሩበት ሂደት ላይ ማሻሻያ ማድረጉን ተከትሎ ነው ላለፉት 18 ወራት በእስር ላይ የነበሩት ሉላ ዳ ሲልቫ ከእስር የተፈቱት፡፡
 
የሀገሪቱ ከፍተኛ ፍርድ ቤት ወንጀለኞች ወደ እስር ቤት ሊሄዱ የሚገባው ሁሉምንም የይግባኝ አማራጮች ከተጠቀሙ በኋላ ነው የሚል ውሳኔን በማሰላፉ ፍርድ ቤት ሉላ ትላንት ከሰዓት ከእስር እንዲፈቱ ውሳኔውን ተላልፏል፡፡
 
በብራዚላዊያን ከፍተኛ ድጋፍ እንዳላቸው የሚነገረው ሉላ ዳ ሲልቫ ከእስር ቤት መውጣታቸውን ተከትሎ ደጋፊዎቸው በቦታው በመገኘት ደስታቸውን ገልፀዋል፡፡
 
የብራዚል ከፍተኛ ፍርድ ቤት የሀገሪቱን የወንጅል ህግ ለማሻሻል ስድስት ለአምስት በሆነ ድምፅ ውሳኔ ማሳለፉ የሚታወስ ነው፡፡
 
እንዲሻሻል የተደረገው ነባሩ ህግ ወንጀለኞች የመጀመሪያው የይግባኝ ጥያቄያቸውን ውድቅ ከሆነ በቀጥታ እንዲታሰሩ የሚያዝ ነበር፡፡
 

በዚህም ለውጥም በሺዎች የሚቆጠሩ እስረኞች ሊፈቱ እንደሚችል ነው እየተነገረ የሚገኘው፡፡

ባለፈው ዓመት የተካሄደውን ፕሬዚዳንታዊ ምርጫ የማሸነፍ እድል የነበራቸው ሉላ በሙስና ወንጀል ተሳትፈዋል ተብሎ ለእስር ተዳርገው ነበር፡፡

ነገር ግን ሉላ የሚቀርብባቸውን የሙስና ክስ በተደጋጋሚ ውድቅ የሚያደርጉ ሲሆን የሚቀርብባቸውን ክስ ፓለቲካዊ አለማ አለው ይለሉ፡፡

ምንጭ፡- ቢቢሲና ሲ ጂ ቲ ኤን
You might also like
Comments
Loading...