Fana: At a Speed of Life!

የብሔራዊ የስፖርት ምክር ቤት መስራች ጉባኤ ተካሄደ

አዲስ አባበ፣ ህዳር 4፣ 2012 (ኤፍ.ቢ.ሲ) የብሔራዊ ስፖርት ምክር ቤት ዳግም መስራታ ጉባኤ በዛሬው እለት በአዲስ አበባ ተካሂዷል።

በጉባኤው ላይ የኢፌዴሪ ምክትል ጠቅላይ አቶ ደመቀ መኮንን እና የባህና ቱሪዝም ሚኒስትር ዶክተር ሂሩት ካሰውን ጨምሮ የክልል ርእሳነ መስተዳድሮች እንዲሁም ሌሎች የመንግስት የስራ ኃላፊዎች ተገኝነተዋል።

የኢትዮጵያ ኦሎምፒክ ኮሚቴ ፕሬዚዳንት ዶክተር አሸብር ወልደጊዮርጊስ፣ የኢትዮጵያ አትሌቲክስ ፌዴሬሽን ተቀዳሚ ምክትል ፕሬዚዳንት አትሌት ደራርቱ ቱሉ እና የኢፌዴሪ ስፖርት ኮሚሽን ኮሚሽነር አቶ ኢሊያስ ሽኩርም በጉባዔው ላይ ተሳትፈዋል።

እንዲሁም የስፖርት ኮሚሽን ኃላፊዎች፣ ሀገር አቀፍ የስፖርት ማህበራት ፕሪዚዳንቶች እና የጽህፈት ቤት ኃላፊዎች፣ ታዋቂ የስፖርት ግለሰቦች እና ባለሙያዎች እንዲሁም የሚመለከታቸው የባለድርሻ አካላት ተሳታፊ ሆነዋል።

ምክትል ጠቅላይ ሚኒስትር እና የብሔራዊ ስፖርት ምክር ቤት ሰብሳቢ አቶ ደመቀ መኮንን ባስተላለፉት መልእክት፥ የስፖርቱን ሴክተር በተሻለ ደረጃ ለማልማት እና ዓለምአቀፋዊ ተወዳዳሪነትን ለማጎልበት በትኩረት እንደሚሰራ አስታውቀዋል።

በዘርፉ የሚስተዋሉ ህፀፆችን በማረም መሰረቱን የማስፋት፥ ተተኪ ትውልድ የማብቃት እና ውጤታማነትን የማረጋገጥ ተግባራት በየደረጃው እንደሚከናወኑም አቶ ደመቀ ተናግረዋል።

በአንዳንድ አካባቢ የስፖርት ማዘውተሪያ ስፍራዎች የስጋት እና የግጭት ቀጠና እየሆኑ የመጡበት አግባብ ሊታረም እንደሚገባ በማስመር የዘርፉ ተዋንያኖች በቅንጅት እንዲረባረቡ ጥሪ አቅርበዋል።

የባህና ቱሪዝም ሚኒስትር ዶክተር ሂሩት ካሰውም የእንኳን ደህና መጣችሁ መልዕክት አስተላልፈዋል።

በጉባኤው ሀገር አቀፍ የስፖርት ሪፎርም ፍኖተ ካርታ የሚያሳይ ሰነድ በባህና ቱሪዝም ሚኒስትር ዴኤታ አቶ ሀብታሙ ሲሳይ ቀርቦ ውይይት ተደርጎበታል።

በመጨረሻም ቀጣይ የትኩረት አቅጣጫ በማስቀመጥ የሚጠቃለል መሆኑን ከኢፌዴሪ ስፖርት ኮሚሽን ያገኘነው መረጃ ያመለክታል።

You might also like
Comments
Loading...