Fana: At a Speed of Life!

የቀድሞው የዴሞክራቲክ ሪፐብሊክ ኮንጎ አማጺ መሪ 30 አመት እስር ተፈረደባቸው

አዲስ አበባ ፣ ጥቅምት 28 ፣ 2012 (ኤፍ ቢ ሲ) የቀድሞው የዴሞክራቲክ ሪፐብሊክ ኮንጎ አማጺ መሪ ቦስኮ ንታጋንዳ 30 አመት እስር ተፈረደባቸው።

ግለሰቡ ህጻናትን ለውትድርና በመጠቀም፣ በአስገድዶ መድፈር፣ ሴቶችን ለወሲብ ንግድ መጠቀምን ጨምሮ በ18 ወንጀሎች ተከሰው ጉዳያቸው በዓለም አቀፉ የወንጀለኞች ፍርድ ቤት ሲታይ ቆይቷል።

ባለፈው ሃምሌ ወር ላይ ለእርሳቸው ታማኝ የሆኑ ወታደሮች የጅምላ ጭፍጨፋ መፈጸማቸውን እንዳረጋገጡ ጉዳዩን የያዙት ዳኞች ገልጸው ነበር።

ትናንት በዋለው ችሎትም ንታጋንዳ ላይ የእስር ቅጣቱ አስተላልፈዋል።

የ46 አመቱ ንታጋንዳ በፈረንጆቹ 2013 በሩዋንዳ በሚገኘው የአሜሪካ ኤምባሲ በቁጥጥር ስር መዋላቸውን ዘገባው አስታውሷል።

 

ምንጭ፦ ቢቢሲ

 

You might also like
Comments
Loading...