Fana: At a Speed of Life!

የሲዳማ ህዝበ ውሳኔ የመራጮች ምዝገባ መካሄድ ጀመረ

አዲስ አበባ፣ ጥቅምት 27፣ 2012 (ኤፍ.ቢ.ሲ) የሲዳማ ህዝበ ውሳኔ የመራጮች ምዝገባ በዛሬው እለት ሀዋሳ ከተማን ጨምሮ በሲዳማ ዞን በሚገኙ ወረዳዎች መካሄድ ጀምሯል።

በዛሬው እለት የተጀመረው የሲዳማ ህዝበ ውሳኔ የመራጮች ምዝገባ እስከ ህዳር 6 ቀን 2012 ዓ.ም ባሉት 10 ቀናት በሁሉም የምርጫ ጣቢያዎች ቀጥሎ የሚካሄድ መሆኑ ተገልጿል።

የደቡብ ክልል ምክትል ርዕሰ መስተዳድር አቶ ርስቱ ይርዳው የክልሉ መንግሥት ከብሔራዊ ምርጫ ቦርድና ከሲዳማ ዞንና ወረዳዎች ጋር በመሆን የህዝበ ውሳኔ ምርጫው የተሳካ እንዲሆን እንደሚሰራ ለፋና ብሮድካስቲንግ ኮርፖሬት ገልፀዋል።

የቦርዱ መረጃ እንደሚያመላክተው ለህዝበ ውሳኔው በተካሄደው ዝግጅት ከ6 ሺህ በላይ የምርጫ አስፈጻሚዎች ስልጠና ወስደው ተሰማርተዋል።

በተጨማሪም የመራጮች ምዝገባ ቁሳቁስ ስርጭት መካሄዱንም ነው ምርጫ ቦርድ ያስታወቀው።

የኢትዮጵያ ብሔራዊ ምርጫ ቦርድ የሲዳማ ክልልነት ጥያቄ ህዝበ ውሳኔን አፈጻጸም ሂደት አስመልክቶ ከዚህ ቀደም ባወጣው መግለጫ፥ የሲዳማ የክልልነት ህዝበ ውሳኔ ድምጽ መስጫ ቀን ህዳር 10 ቀን 2012 ዓ.ም እንደሚካሄድም አስታውቋል።

 

በሶዶ ለማ

You might also like
Comments
Loading...