Fana: At a Speed of Life!

የሆንግ ኮንግ ትምህርት ቤቶች በደህንነት ስጋት ምክንያት ተዘጉ

አዲስ አበባ ፣ ህዳር 2 ፣ 2012 (ኤፍ ቢ ሲ)በሆንግ ኮንግ የተወሰኑ ትምህርት ቤቶች በደህንነት ስጋት ምክንያት መዘጋታቸው ተገለፀ፡፡

በሆንግ ኮንግ በርካታ ወራትን ያስቆጠረው ህዝባዊ ተቃውሞ ዛሬም ድርስ የቀጠለ ሲሆን÷ ዛሬ በደርዘን የሚቆጠሩ አካባቢያዊና አለምአቀፋዊ ትምህርት ቤቶች በደህንት ስጋት  ምክንያት ተዘግተዋል፡

በስጋቱም   የትምህርት ተቋማት ለተማሪዎቻቸው ቤተሰቦች ትምህርት ቤቶች   እንደሚዘጉ በአጭር የጽሁፍ መልዕከት  መላካቸው ነው የተነገረው፡፡

ሆኖም የሆንግ ኮንግ ገዥ ካሪ ላም ÷ አለመረጋጋት ቢኖርም ትምህርት ቤቶች እንደማይዘጉ ገልጸዋል፡፡

በ ‘ቻይኒዝ ዩኒቨርስቲ’ ተቃዋሚዎች ወደ ፖሊሶች ድንጋይ መወርወራቸው የተነገረ ሲሆን ፖሊሶችም  በምላሹ የፕላስቲክ ጥይት ሲተኩሱ ነበር።

ፖሊሶችም ተቃውሞ ባለባቸው ዩኒቨርስቲዎች ቅጥር ጊቢ ገብተው ተማሪዎችን ለመበተን አስለቃሽ ጭስ ሲተኩሱ ተስተውሏል ፡፡

ይህን ተከትሎም በርካታ ዩኒቨርስቲዎች ትምህርት አቋርጠዋል።

እንዲሁም በግዛዚቱ ውስጥፓሊስ ጥፋተኞ መንገዶኞችን ፍለጋ መሰማራቱን ተከትሎ የባቡር መስመሮችም መዘጋታቸው ተጠቁሟል፡፡

ከተቃውሞ ጋር በተያያዘ ሰኞ ከ260 በላይ ሰዎች የታሰሩ ሲሆን ÷ ይህም ተቃውሞው ከጀመረበት ጊዜ እስካሁን በቁጥጥር ሥር የዋሉ ሰዎች  3 ሺህ ደርሷል።

ሆንግ ኮንግ በወንጀል የተጠረጠሩ ሰዎችን ለቻይና አሳልፎ መስጠት የሚያስችል ረቂቅ ህግ መዘጋጀቱን ተከትሎ በተቀሰቀሰ ተቃውሞ ምክንያት ረቂቁ ውድቅ መሆኑ ይታወሳል፡፡፡

ሆኖም የሆንግ ኮንግ ነዋሪዎች ጥያቄያቸውን ዴሞክራሲ ይስፈን እና ፖሊሶች ለተግባራቸው ተጠያቂ ይደረጉ በማለት የተቃውሞ አድማሳቸውን ሰፋ በማድረግ ድምፃቸውን ማሰማት ቀጥለዋል፡፡

 

ምንጭ፡-ቢቢሲ

You might also like
Comments
Loading...