Fana: At a Speed of Life!

ዛዮሚ የካሜራ ጥራቱ 108 ሜጋ ፒክስል የሆነ ስማርት ስልክ አቀረበ

አዲስ አበባ፣ ጥቅምት 26፣ 2012 (ኤፍ.ቢ.ሲ) ግዙፉ የቻይና የቴክኖሎጂ ኩባንያ ዛዮሚ የካሜራ ጥራቱ ከፍተኛ የሆነ ስማርት ስልክ ይዞ መምጣቱ ተነግሯል።

ኩባንያው ይፋ ባደረገው አዲሱ ስማርት ስልክ ላይ የተገጠመው ካሜራም ከፍተኛ ጥራት ያለው ምስል ማንሳት የሚችል ባለ 108 ሜጋ ፒክስል መሆኑ ነው የተነገረው።

ዛዮሚ በስልኩ ላይ የገጠመው ከፍተኛ የምስል ጥራት ያለው ካሜራው በሳምስንግ ኩባንያ የተሰራ ሲሆን፥ ሳምሰንግም ወደፊት በሚያመርታቸው ስማርት ስልኮች ላይ እንደሚገጥም ይጠበቃል ነው የተባለው።

እንደ ዛዮሚ ስማርት ስልክ ኩባንያ ገለፃ ባለ108 ሜጋ ፒክስል ካሜራ ስማርት ስልኩ በጣም ጥራት ያለውፎቶ ግራፍ ከርቀትም ጭምር ማንሳት የሚችል ነው።

ኤም አይ CC9 Pro ፕሪምየም የሚል መጠሪያ ያለው ስማርት ስልኩ አሁን ላይ በቻይና ገበያ ውስጥ ብቻ ለሽያጭ የቀረበ ሲሆን፥ ስማርት ስልኩም በ2 ሺህ 799 የቻይና ዩዋን ወይም በ400 የአሜሪካ ዶላር ነው በመሸጥ ላይ የሚገኘው።

ዛዮሚ በዛሬው እለት ይፋ ያደርጋል ተብሎ በሚጠበቀው ኤም አይ ሚኒ ኖት 10 ስማርት ስልኩ ላይም ባለ 108 ሜጋ ፒክስል ካሜራውን እንደሚገጥም ነው ያስታወቀው።

ምንጭ፦ www.bbc.com

You might also like
Comments
Loading...