Fana: At a Speed of Life!

ዚምባቡዌ 77 ዶክተሮችን ከስራ አሰናበተች

አዲስ አበባ ፣ ጥቅምት 26 ፣ 2012 (ኤፍ ቢ ሲ) ዚምባቡዌ ከመስከረም ወር ጀምሮ በስራ ገበታቸው ላይ ያልተገኙ 77 ዶክተሮችን ከስራ አሰናበተች።

ዶክተሮቹ ክፍያ አንሷል በሚል ካለፈው መስከረም ወር ጀምሮ አድማ ማድረጋቸው ይታወሳል።

ይህን ተከትሎም የሃገሪቱ ፍርድ ቤት አድማው ህገ ወጥ ነው በሚል ዶክተሮቹ ወደ ስራ ገበታቸው እንዲመለሱ ቢጠይቅም ውሳኔውን ሳይቀበሉት ቆይተዋል።

የፕሬዚዳንት ኤመርሰን ምናንጋግዋ አስተዳደርም 77 ዶክተሮች ከስራ መሰናበታቸውን አስታውቋል።

ከስራ ውጭ አድማ የተቀመጡ ሌሎች ዶክተሮች ጉዳይም እየተጠበቀ ነው ተብሏል።

የዚምባቡዌ ዶክተሮች ወርሃዊ ደመወዝ ከ100 ዶላር ያነሰ መሆኑን መረጃዎች ያመላክታሉ።

ከፍተኛ የኢኮኖሚ ቀውስ እና የዋጋ ግሽበት የምናንጋግዋን አስተዳደር እየተፈታተነው መሆኑ ይነገራል።

ይህን ተከትሎም የመንግስት ሰራተኞች የሚከፈለን ክፍያ አንሷል በሚል የተቃውሞ ሰልፍ ለማድረግ መዘጋጀታቸውን መረጃዎች ያመላክታሉ።

 

 

ምንጭ፦ ቢቢሲ

 

 

 

You might also like
Comments
Loading...