Fana: At a Speed of Life!

ከጨለማ ኃይል መሰብሰብ ብርሃን የሚያመነጭ መሳሪያ ተሰርቷል ተበላ

አዲስ አበባ፣ ህዳር 10፣ 2012 (ኤፍ.ቢ.ሲ) ከቀዝቃዛ የምሽት ሰማይ ኃይል መሰብሰብ ብርሃን ማመንጨት የሚችል መሳሪያ ይፋ መደረጉ ተሰምቷል።

ፀረ-ሶላር ፓኔል የተሰኘው አዲሱ መሳሪያ የተሰኘ አዲስ መሳሪያ ከቀዝቃዛ የምሽት ሰማይ ኃይል መሰብሰብ እንደሚችልም ተነግሯል።

በምድር እና በህዋ መካከል ያለውን የሙቀት ልዩነት በመጠቀም እንዲሰራ ለሙከራ የተገነባው የቴክኖሎጂው ሰርቶ ማሳያ አነስተኛ የኤል.ኢ.ዲ አምፖልን ሲያበራ ታይቷል።

የዚህ የምሽት ሀይል ማመንጫ በትልቁ ሲሰራም የኤሌክትሪክ ኃይል በማይደርስባቸው ቦታዎች ለሚገኙ ቤቶች ሁሉ በምሽት ጊዜ ብርሃንን እንደሚሰጥ እንዲሁም ለሞባይል ስልክ እና ሌሎች የቤት ውስጥ ቁሳቁሶች ኃይል ምንጭነት መዋል እንደሚችል ተመራማሪዎቹ ይናገራሉ።

ይህ አዲሱ የብርሃን ምንጭ የሚሆነው መሳሪያ የሚመራበት ዋናው መርህ የቴርሞኤሌክትሪክ ጀነሬተርን አሰራር በመጠቀም መሆኑም ታውቋል።

ይህም ጀነሬተር ኃይል የሚያመነጨው አንደኛው ክፍሉ ከሌላኛው የቀዘቀዘ ሆኖ ሲገኝ ነው፤ በዚህም መሰረት የዚህ መሳሪያ ወደ ሰማይ የዞረው ክፍሉ የአልሙኒየም ሳህን ሲኖረው ሙቀት እንዳይገባ ለመከለልም ብርሃንን ማሳለፍ በሚችል ሽፋን የተለበደ ነው።

ይህ የአልሙንየም ሳህን የሚቀበለውን ለዓይን የማይታይ ሙቀት ተሸካሚ ጨረር በመገደቡ ሳቢያ እንደቀዘቀዘ እንዲቆይም ሆኗል።

የስረኛው የመሳሪያው ክፍል ደግሞ በተደረገለት የአልሙንየም ሳህን በመታገዝ በተከታታይ ከከባቢው አየር ሙቀትን መውሰድ ይችላል፤ የጸሃይ ብርሃን በሌለበት በምሽት ጊዜ የሳህኑ የላይኛው ክፍል ከታችኛው ሙቀቱ ይቀንሳል።

የስታንፎርድ ዩኒቨርሲቲው ኢንጅነር ዊ ሊ እና የስራ ባልደረባዎቻቸው የዚህ መሳሪያ ሰርቶ ማሳያ ሊሆን የሚችልና ርዝመቱ ሃያ ሴንቲ ሜትር የሆነ መሳሪያቸውን በምሽት በማውጣት ሃይል የማመንጨት አቅሙን ለማየት ሙከራ አድርገዋል።

መሳሪያውም አንድ አነስተኛ ኤልኢዲ አምፖልን ማብራት የሚችል ሃያ ሚሊ ዋት የሚሆን ኃይልን በአንድ ካሬ ሜትር ስፋት አመንጭቷል።

እንደ ተመራማሪዎቹ ከሆነ የመሳሪያውን ቀዝቃዛ የአልሙንየም ሳህን በተሻለ ከሙቀት የሚከልል ሽፋን በማድረግ መሳሪያው እስከ 0.5 ዋት ድረስ ኃይል እንዲያመኘጭ ማድረግ ይቻላል ማለታቸውን የኢኖቬሽን እና ቴክኖሎጂ ኢንስቲትዩት  ሳይንስ ኒውስን ጠቅሶ ያመጣው መረጃ ያመለክታል።

You might also like
Comments
Loading...