Fana: At a Speed of Life!

ከጠቅላይ ሚኒስቴር ጽ/ቤት ጋር እየሰራን ነው በሚል የገንዘብና የልዩ ልዩ ድጋፍ ጥያቄዎችን ከሚያቀርቡ አካላት ህብረተሰቡ እንዲጠነቀቅ ጽ/ቤቱ አስታወቀ

አዲስ አበባ፣ ህዳር 6፣ 2012 (ኤፍ.ቢ.ሲ) ከጠቅላይ ሚኒስቴር ጽሕፈት ቤት እውቅና ውጪ አብረን እየሰራን በሚል የገንዘብና የልዩ ልዩ ድጋፍ ጥያቄዎችን የሚያቀርቡ አካላት እንዳሉ ጽህፈት ቤቱ ገለፀ

ጽህፈት ቤቱ በዛሬው እለት ባወጣው መረጃ፥ አንዳንድ አካላት ከጠቅላይ ሚኒስቴር ጽሕፈት ቤት እውቅና ውጪ፣ አብረን እየሰራን እንገኛለን በማለት የጽሕፈት ቤቱን ስም በመጠቀም ለተባባሪና አጋር አካላት የገንዘብ እና የልዩ ልዩ ድጋፍ ጥያቄዎችን ሲያቀርቡ ተስተውሏል ብሏል።

ስለሆነም፣ የጠቅላይ ሚኒስቴር ጽሕፈት ቤትን ወይም የቀዳማዊት እመቤት ጽሕፈት ቤትን በመጥቀስ የገንዘብ እና የልዩ ልዩ ድጋፍ ጥያቄ ቢቀርብ ትክክለኝነቱ የተረጋገጠ የጽህፈት ቤቶቹ የድጋፍ ደብዳቤ በአባሪነት መያያዙን ማረጋገጥ ይገባል ብሏል።

በተጨማሪም ወደ ጽሕፈት ቤቶቹ በመደወል ማጣራት እንደሚያስፈልግም ጽህፈት ቤቱ አስታውቋል።

ይህ ባልተሟላበት ሁኔታ የሚደረግ እንቅስቃሴ ሁሉ ሕጋዊ እንዳልሆነ ነው ጽህፈት ቤቱ ያስታወቀው።

You might also like
Comments
Loading...