Fana: At a Speed of Life!

ከሶስት ወንዶች ጋር ትዳር የመሰረተችው ዩጋንዳዊት

አዲስ አበባ፣ ጥቅምት 28፣ 2012 (ኤፍ ቢ ሲ) በአንድ ጊዜ ከሶስት ወንዶች ጋር ትዳር የመሰረተችው ዩጋንዳዊት ጉዳይ አነጋጋሪ ሆኗል።

የመጀመሪያ ትዳሯ በተለያዩ ምክንያቶች ያልተሳካላት የ36 ዓመቷ ዩጋንዳዊት ሶስት ወንዶችን በአንድ ጊዜ ማግባቷ ተሰምቷል።

ቴሶ ከተሰኘው ማህበሰረብ ከፓስተር ፒተር ኦግዋንግ የተወለደችው አና ግሬስ አጉቲ፥ ለመጀመሪያ የትዳር አጋሯ ጥሩ ፍቅር ትሰጠው እንደነበር ትናገራለች።

ይሁን እንጂ የመጀመሪያ ባለቤቷ ለእሷ ያለው ፍቅርና እንክብካቤ ከቀን ቀን እየቀነሰ ይመጣል፤ ህይወታቸውን ለመምራትም ይቸገራሉ።

የመጀመሪያ ባለቤቷ ሁኔታ ያልጣማት አጉቲም ትዳሯን በሰላማዊ ሁኔታ በመፍታት ሌላ ህይወት ለመመስረት ትወስናለች።

በዚህ መሰረትም አጉቲ ከምትኖርበት ማህበረሰብ ባህልና እምነት ባፈነገጠ መልኩ ሶስት ወንዶችን በአንድ ጊዜ ማግባቷ ተነግሯል።

ሶስቱ የጉቲ ባለቤቶችም ሪቻርድ ኢሊች (ፖሊስ ኦፊሰር )፣ ጆን ፒተር ኦሉካ (ታታሪ አርሶ አደር) እና ሚካኤል ኤን ያኩ (የመጀመሪያ ዲግሪ ያለው) ናቸው።

ሶስቱንም ባለቤቶቿ ስድስት ክፍል ባለው መኖሪያ ቤቷ ውስጥ በየራሳቸው ክፍል ውስጥ መኖር ጀምረው ነበር፤ የትዳር ህይወታቸውም በጥሩ ሁኔታ ይገኛል ነው የተባለው።

ይሁን እንጂ የአጉቲ አባት ፓስተር ፒተር ኦጉዋንግ የልጃቸውን ድርጊት በመቃወም ሶስቱ ባለቤቶቿ መኖሪያ ቤቱን ለቀው እንዲወጡ አድርገዋል።

አባት ይህን ያድርጉ እንጅ የአጉቲ ባለቤቶች ግን ወደ እርሷ ጎራ ማለታቸውን አላቆሙም ነው የተባለው።

አጉቲ በአሁኑ ስዓት የስድስት ወር ነፍሰ ጡር ስትሆን፥ ከየትኛው ባለቤቷ እንዳረገዘች ግን የታወቀ ነገር የለም።

 

ምንጭ ፦ኦዲቲ ሴንትራል

You might also like
Comments
Loading...