Fana: At a Speed of Life!

እንቅልፍ ከወሰዳት እስከ 2 ወር የማትናቃው የ17 ዓመቷ ኮሎምቢያዊት

አዲስ አበባ፣ ጥቅምት 26፣ 2012 (ኤፍ.ቢ.ሲ) ከአንዲት ታዳጊ ወጣት እንቅልፍ ጋር ተያይዞ ከወደ ኮሎምቢያ የተሰማው ዜና አስገራሚም አሳዛኝም ሆኖ ተገኝቷል።

ነገሩ እንዲህ ነው ኮሎምቢያዊቷ የ17 ዓመት ታዳጊ ወጣት አንድ ጊዜ እንቅልፍ ከወሰዳት ለሁለት ወራት ከእንቅልፏ እንደማትነቃ ነው የተነገረው።

ሻሪክ ቶቫር የተባለችው ይህች ታዳጊ ወጣት በኮሎምቢያዋ አካሺያ ከተማ ነዋሪ “ከሌይን ለቪን” በተባለ በሽታ የተጠቃች ሲሆን፥ የበሽታው ምልትም የሁለት ዓመት ልጅ እያለች እንደታየባት ነው እናቷ የምትናገረው።

በሽታው በሰዎች ላይ የመከሰት እድሉ በጣም ትንሽ ነው የተባለ ሲሆን፥ እስካሁን በዓለም ዙሪያ በበሽታው የተጠቁ ሰዎች ከ40 እንደማይበልጡም ነው መረጃዎች የሚያመላክቱት።

በዚህ በሽታ የተጠቁ ሰዎችም ለረጅም ጊዜ ተኝተው በሚነቁበት ጊዜ የአእምሯቸው የማስታወስ አቅም እንደሚቀንስ እና የባህሪ ለውጥ እንደሚታይባቸውም ነው የሚነገረው።

በዚህ የጤና እክል የተጠቃችው ሻሪክ ቶቫር አንዴ እንቅፍ ከወሰዳት ከሁለት ወራት በኋላ የምትነቃ ሲሆን፥ በዚህ ወቅትም እናቷ ማርሌንይ ልጇን በየሁለት ሰዓት ልዩነት በተገጠመላት ካታተር ቱቦ አማካኝነት ምግብ እንደምታበላትም ተነግሯል።

እናት ማርሌንይ ይናገራሉ፥ ሻሪክ ቶቫር ባሳለፍነው ሰኔ ወር ላይ እንቅልፍ ወስዷት ለ48 ቀናት በተከታታይ ከተኛች በኋላ ሁሉንም ነገር ማስታወስ አቅቷት ነበር፤ እኔ እናቷንም ማን ነሽ ብላ ነው የጠየቀችኝ” ብለዋል።

ምንጭ፦ www.dailymail.co.uk

You might also like
Comments
Loading...