Fana: At a Speed of Life!

እስራኤል እና ታጣቂው ጂሃድ በጋዛ ሰርጥ የተኩስ አቁም ስምምነት ደረሱ

አዲስ አበባ፣ ህዳር 4፣2012 (ኤፍ ቢ ሲ) እስራኤል እና በጋዛ የሚንቀሳቀሰው እስላማዊው ታጣቂ ጂሃድ በጋዛ ሰርጥ የተኩስ አቁም ስምምነት ላይ መድረሳቸው ተሰምቷል።

የእስራኤል ወታደራዊ ሃይል ባለፉት ቀናት በጋዛ ሰርጥ የአየር ድብደባ መፈጸሙ ይታወሳል።

በዚህም እስራኤል በአካባቢው የሚንቀሳቀሰውን እስላማዊው ጂሃድ ታጣቂ ከፍተኛ መሪ መግደሏን አስታውቃለች።

ይህን ተከትሎ በሁለቱ ወገኖች መካከል በተፈጠረ ግጭት የእስራኤል ወታደሮች 34 ፍልስጤማውያንን መግደላቸው ተነግሯል።

በተመሳሳይ ታጣቂው ጂሃድ በርካታ ሮኬቶችን ወደ ደቡብ እስራኤል አቅጣጫ ማስወንጨፉ ተገልጿል።

አሁን ላይም እስራኤልና ታጣቂው ቡድን በግብፅ አደራዳሪነት የተኩስ አቁም ስምምነት ላይ መድረሳቸው ተሰምቷል።

የተደረሰው የተኩስ አቁም ስምምነትም በአካባቢው ለቀናት የቀጠለውን ቀውስ ለማረጋጋት እንደሚያስችል ታምኖበታል።

ምንጭ፦ አልጀዚራ

You might also like
Comments
Loading...